ءجۇسىپ پايعامبار (ا.س.) قاپاسقا تۇسسە دە تاعدىرىنان تەرەڭ مويىنسۇنىپ، سابىرلىق تانىتتى دەپ جازادى قامشى اقپاراتتىق اگەنتتىگى muslim.kz -كە سىلتەمە جاساي وتىرىپ. قۇلشىلىقتارىن ەسەلەپ، كوپ دۇعا وقىپ، جالبارىنۋمەن بولدى. ءوزىنىڭ كوركەم مىنەزدىلىگىنەن تايماي، جانىنداعىلارعا مەيىرىمدىلىك تانىتتى، ىزگى ناسيحات ايتتى. كوپ وتپەي قاپاس لاستىقتان تازارىپ، تۇرمەدەگىلەرمەن دوستاسىپ كەتتى. ارالارىنداعى باۋىرلاستىقتىڭ شىنايىلىعى سونداي، ءبىرىنىڭ مەرزىمى ءبىتىپ ەركىندىككە شىقسا، ءجۇسىپ پايعامباردى (ا.س.) قيماي، قايتا ورالۋ ءۇشىن قىلمىس ىستەيتىن ەدى.+

ءتىپتى، قاپاستىڭ باسشىسىنىڭ ءوزى ونى جاقسى كورىپ: «ءاي، ءجۇسىپ! مەن وسى ۋاقىتقا دەيىن ءدال سەندەي ەشكىمدى جاقىن تارتىپ، جاقسى كورمەپپىن»، – دەپ ءىلتيپات بىلدىرگەندە، ول: «اللا مەنى سەنىڭ جاقسى كورۋىڭنەن ساقتاسىن»، – دەپ جاۋاپ قايتاردى. ول: «نەگە؟» دەپ تاڭعالا سۇراعاندا، ءجۇسىپ: «اكەم مەنى باسقا ۇلدارىنان ارتىق جاقسى كورىپ ەدى، باۋىرلارىم قىزعانىشپەن ماعان قاستاندىق جاسادى. كەيىن مەنى ءۋازىردىڭ حانىمى جاقسى كورىپ ەدى، ءوزىڭ كورگەن مىنا قاپاسقا ءتۇسىردى»، – دەپ ءتۇسىندىردى.

ەسكەرتە كەتەتىن بولساق، جوعارىداعى سۋرەت ءجۇسىپ پايعامبار تۋرالى تۇسىرىلگەن فيلمنەن الىنعان. بۇل فيلمدە ءجۇسىپ پايعامباردىڭ ومىرگە كەلۋىنەن باستاپ قانداي قيىندىق كورگەنىنە دەيىن جاقسى كورسەتىلگەن.

اۆتورى: قۇدايبەردى باعاشار

شولۋشى: اسەل وتەشوۆا