28 جاستاعى برازيليالىق فوتوگراف كاميلا ليما 100 جاستاعى ەگىز اجەيلەر تۋرالى ەستىگەن. ليما ماريي جانە پاۋلينە ەسىمدى ەگىز اجەلەرگە رومانتيكالىق فوتوسەسسيا جاساۋعا ۇسىنىس جاساعان، دەپ حابارلايدى قامشى اقپاراتتىق اگەنتتىگى.

اجەيلەر بۇل ۇسىنىستى قۋانا قابىل العان بولاتىن.

فوتوسەسسيا 2 ساعاتقا سوزىلعان. ەگىزدەرگە ستيليست كيىم تاڭداپ،  از-ازدان ءتۇرلى وپامەن ارلەگەن.

فوتوگراف ليما ەگىزدەر شارشاعاندارىنا ارىزدانباستان ءبىزدىڭ بارلىق ايتقانىمىزدى ورىندادى. باقىتتى ەكەندەرى كوزدەرىنەن كورىنىپ تۇردى دەپ مالىمدەدى.

ليمانىڭ سۋرەتكە تۇسىرۋدەگى باستى نىساندارى كوپ جاعدايدا ەگدە جاستاعى كىسىلەر ەكەن. ونىڭ سەبەبى، قارت كىسىلەردى كورسەتۋ ارقىلى جاستارعا كۇش-جىگەر بەرۋ.

ال وزدەرىنىڭ 100 جىلدىق مەرەيتويلارىن فوتوسەسسيا جاساۋ ارقىلى اتاپ وتكەن پاۋلينانىڭ التى بالاسى، 19 نەمەرە مەن 16 شوبەرەسى بولسا، ءمارييدىڭ بەس بالاسى، 12 نەمەرە مەن 7 شوبەرەسى بار. 

دايىنداعان: ايگەرىم تاۋباي