قاراپايىم مىسىق- يتالياندىق ەك ايەلدىڭ بىر-بىرىمەن سوتتاسۋىنىڭ سەبەبى بولدى دەپ حابارلايدى قامشى اقپاراتتىق اگەنتتىگى ريا نوۆوستي-عا سىلتەمە جاساپ.
جەرگىلىكتى باسىلىمداردىڭ جازۋىنشا مىسىق ەكى جىل بويى ءبىر ايەلدىڭ ۇيىندە تۇرىپ كەلىپ ونىڭ كورشىسىنىڭ دە سۇيىكتى ءۇي جانۋارىنا اينالعان. 4 جاستاعى مىسىق ەكى ءتۇرلى بانتيك پەن تەكيلا ەسىمدەرىمەن ەكى ايەلدىڭ ۇيىندە تۇرىپ كەلگەن. ءوزىنىڭ يەسىنىڭ ۇيىندە كۇندىز بولسا، تۇندە كورشىسىنىڭ ۇيىندە تۇراقتاعان. ەكىنشى ايەل باسقا جەرگە كوشپەك بولىپ مىسىقتى وزىمەن بىرگە الا كەتپەكشى بولعان. سودان بارىپ ءبىرىنشى ايەل مىسىعىن ۇرلادى دەپ ەكىنشى ايەلدى سوتقا بەرگەن. سوت مىسىقتى ءبىرىنشى ايەلگە قالدىرۋعا شەشىم شىعارعان.
الايدا كورشى ايەل ءوز ەسەسىن جىبەرگىسى كەلمەي، اپپەلياسيالىق ارىزبەن سوتقا شاعىمدانعان. مىسىقتىڭ ءبىرىنشى ايەلگە تيەسىلى ەكەنىن دالەلدەيتىن ايعاق بولماعاندىقتان، سوت ونى ەكىنشى ايەلگە، ياعني كورشىسىنە بەرۋدى ءجون كوردى.
الايدا ەكى ايەل بىر-بىرىمەن ءالى دە كەلىسىمگە كەلەر ەمەس.
شولۋشى: نازەركە مۇسا
