الەمگە تانىمال Albeni شوكولاد برەندى ءوزىنىڭ كەزەكتى جارناماسىن شىعارعان بولاتىن. بارىمىزگە ءمالىم، جارنامادا قازاقستاننىڭ تانىمال انشىلەرى ءمادينا ءسادۋاقاسوۆا، جانار دۇعالوۆا جانە بەلگىلى رەپ ورىنداۋشىسى Big Som ۇشەۋى بىرىگىپ ءان شىرقايدى.
اتالمىش شوكولاد ءتۇرى بۇگىنگى تاڭدا الەم بويىنشا ۇلكەن سۇرانىسقا يە. نەبارى كارامەل، شوكولاد جانە پەچەنە سىندى ءۇش ءتۇرلى ءونىمنىڭ قوسپاسىمەن ءدامى ءتىل ۇيىرەتىن شوكوكلاد جاساپ شىعارعان تۇرىكتىڭ pladis كومپانياسى حالىققا نە كەرەك ەكەنىن جاقسى ءبىلدى.
بۇعان دەيىن دە ءتۇرلى نۇسقاداعى جارنامالاردى دۇنيەگە اكەلگەن كومپانيا بۇل جولى تانىمال برەندىن اۋەن ارقىلى كورسەتپەك بولعان. وسىعان بايلانىستى، ورتالىق ازياداعى pladis كومپانياسىنىڭ پرەزيدەنتى شەنەر استان مۋزىكانىڭ قۇدىرەتى جايىندا پىكىر بىلدىرگەن: «مۋزىكا – جۇرەكتى تەبىرەنتىپ، كوڭىلگە اسەر ەتەتىن، ءتۇرلى مادەنيەتتەردى بىرىكتىرىپ، ادامداردى باقىتقا بولەيتىن امبەباپ ءتىل. سول سەبەپتى، ەكى ءتۇرلى اۋديتوريانىڭ بىر-بىرىمەن ارالاسىپ، تۇسىنىسۋىنە مۇمكءىندىك بەرەتىن امالدى ىزدەگەن تۇرىك كومپانياسى مۋزىكاعا كەلىپ وقتالعان.. كومپانيا ەرەكشەلىگى – تۇركى الەمىنىڭ 3 تانىمال ءانشىسىنىڭ ورىنداۋىنداعى ءۇش ءتۇرلى جانردى، ياعني، پوپ، روك، ۇلتتىق مۋزىكانى بىرىكتىرگەندەگى ادەمى ۇيلەسىم تاباتىن مۋزىكا ارقىلى البەنيدىڭ وزگە ونىمدەرگە ۇقسامايتىن ەرەكشە ءدامىن كورسەتتى، سەزدىردى».
ءيا، بۇل پىكىرگە قاتىستى كىم دە بولسا داۋ تۋعىزباس. شوكولادتى تاتىپ كورگەن ءار ادام قايتا-قايتا جەگىسى كەلەتىن حالگە تۇسەتىنى دە جاسىرىن ەمەس. تازا ءونىم ءتۇرى دەپ مويىندايدى حالىق.
ءبىراق، ءبىز قوزعاماق ماسەلە شوكولاد جايىندا ەمەس، الگى جارناما جايىندا بولماق. قازاقتان ءبىر ءانشى تابىلماعانداي، وزگە ۇلت وكىلىنىڭ ءانشىسىن ءدال قازاق قىزدارىمەن بىرىكتىرىپ ءان شىرقاتقان مىنا جارنامانىڭ استارىندا قۇيتۇرقى ساياسات جاتقان سەكىلدى مە دەپ قالاسىڭ. نەگە دەيسىزدەر عوي؟
تۇرىكتىڭ Albeni دەگەن ءسوزىن قازاق تىلىنە اۋدارعاندا «ال مەنى» دەگەن ءسوز شىعا كەلەدى. شوكولادقا بۇل ات ادەمى جاراسىپ-اق تۇر. ال، قازاقتىڭ قاراكوزدەرى، نازىك جاندىلارى الگى ەركەكتىڭ جانىندا قىلىمسىپ، شىن مانىسىندە «ال مەنى، ال مەنى» دەپ تۇرعانىن ءبىرى بىلسە، ءبىرى بىلمەس. مۇنى الگى جىگىتكە ەركەلەپ تۇرعان ءمادينامىز بەن جانارىمىز دا بىلمەۋى مۇمكىن. ءبىراق، "البەني" شوكوكلادىن دۇنيەگە اكەلگەن تۇرىك حالقىنا مۇنىڭ ءبارى ايان.
مۇندا تۇرعان نە بار دەپ تە ويلارسىز، بالكىم؟ جاقسى، ءان شىرقاي بەرسىن، جاي عانا جارناما ءۇشىن بولسا دا. ال ءسىز قازاق جىگىتىمەن، ودان قالسا، وزگە ۇلتتىڭ جىگىتىمەن قوسىلىپ ءان شىرقاعان تۇرىكتىڭ قىزىن كوردىڭىز بە؟ مەنىڭشە، جوق. ولار الەمدىك جارناماعا ءوز قىزدارىن وزگە ۇلتتىڭ ەركەگىنىڭ جانىندا قىلىمسىتىپ قويمايدى دا. الەمدىك جارناما بىلاي تۇرسىن، تۇرىكتىڭ ەركەكتەرى ءوز ۇلتىنىڭ قىزدارىن كوبىنە شەكارادان اسىرماۋعا، وزگە ۇلت وكىلىنە تۇرمىسقا شىعارماۋعا تىرىسادى.
بۇل جارنامانى ەكى ەلدىڭ اراسىنداعى دوستىق قارىم-قاتىناستىڭ نىعايعان كورىنىسىنىڭ كورسەتكىشى دەپ تە ويلاۋىڭىز مۇمكىن. نەگىزى ماقساتتارى دا سول بولىپ تۇر عوي. قازاقستان مەن تۇركيا بۇعان دەيىن بىرنەشە جوبالاردى بىرگە اتقارىپ، تالاي ناتيجە شىعارعان. ساياسي ىستەردەن بولەك، ەستەرىڭىزگە سالا كەتسەك، ەكى ەل بىرىگىپ سەريال تۇسىرگەن. كينو الەمىندە مەمەلكەتتەر اراسىندا الدا تۇرعان تۇركيا «استانا – ماحابباتىم مەنىڭ» اتتى قازاق-تۇرىك كينوسىندا رەجيسسەرلىك ەتكەن. قازاق جىگىتى مەن تۇرىك قىزىنىڭ، سونداي-اق قازاق قىزى مەن تۇرىك جىگىتىنىڭ اراسىنداعى سەزىمدى كورسەتكەن بۇل سەريالدىڭ يدەياسى، تۇپكى ماقساتى – ەكى ەل اراسىنداعى ىنتىماقتاستىقتىڭ نىعايعاندىعىنىڭ بەلگىسىن كورسەتۋ بولعان. ءيا، كورسەتتى دە. ءبىراق، تەك سەريالدا عانا. ەكى ەلدىڭ ساياسي-ەكونوميكالىق ىنتىماقتاستىعىنا ءشۇبام جوق. ال «سەزىم ىنتىماقتاستىعى» جاعىنان ەكى ەل ەشقاشان دا بىرىكپەيدى. بۇعان تۇرىك جىگىتتەرىنىڭ ءار ىس-ارەكەتى دالەل.
بىرىنشىدەن، تۇرىك جىگىتتەرى ءوز ۇلتىنىڭ قىزدارىنىڭ ارىن وزگە ۇلتتىڭ تاپتاۋىنا جول بەرمەيدى. ەكىنشىدەن، قىزدارىن قاشان دا جاسىرىن ۇستايدى. كوبىنە، ورامالمەن، ۇزىن ەتەكتى كويلەكتەرمەن جۇرەدى. مۇنى تۇركياعا بارىپ كەلگەن ادامداردىڭ اڭگىمەسى نەگىزىندە جازىپ وتىرمىن. ۇشىنشىدەن، تۇركيا ەركەكتەرى ەلدەگى جۇمىس اتاۋلىنىڭ ءبارىن دەرلىك وزدەرى اتقارادى. ال ايەلدەرى كوبىنە ءۇيدىڭ شارۋاسىمەن اينالاسالى. مۇنىڭ ءبارىن نەگە ىستەيدى دەيسىزدەر عوي؟ سەبەبى، ول مەملەكەتتە جىگىتتەردەن گورى قازداردىڭ سانى الدەقايدا از. سول ءۇشىن دە ولاردى بارىنشا ايالاپ ۇستاۋ تۇرىك جىگىتتەرىنىڭ ەڭ ۇلكەن مىندەتتەرىنىڭ ءبىرى بولىپ سانالادى. ال ءوز ەلىندە قىزى از جىگىتتەردىڭ وزگە ەلدىڭ قىزدارىنا قىزىقپاسىنا كىم كەپىل. قازاقتان باستاپ، كۇللى تۇركى الەمىنىڭ قىزدارىن نازارلارىندا ۇستاعان تۇرىك جىگىتى كەز-كەلگەنىن اينالدىرىپ الۋعا قاۋقارلى. تالايىن ءوز ەلىمىزدە دە كورىپ ءجۇرمىز. ءتىپتى، تۇرىكتىڭ تانىمال اكتەرى بۋراك ءوزجيۆيت كەلە قالسا، ەلىمىزدىڭ قىزدارىنىڭ 80 پايىزى سونىڭ ماڭىندا جۇرەر ەدى. الىپ كەتەم دەسە، كەتۋگە دايىن قىزدار. مەنىڭشە، سەريالدارىن دا سول ماقساتتا تۇسىرەدى.
ءبىراق نە سەريالدارىنا، نە تۇرىك ازاماتىمەن باس قوسقان قازاق قىزدارىنا توقتاۋ سالاتىن نە ۇلكەنى، نە كىشىسى تابىلماي تۇرعاندا، ولار دا الدىمىزدا داڭدايسي تۇسەدى. ولار دا ۇرپاق سانىن كوبەيتكىسى كەلەدى، كوپ ايەل العىسى كەلەدى. الايدا، ءار تۇرىك ازاماتىنىڭ باستى مىندەتى – ايەلى قاي ۇلت وكىلىنەن بولسا دا، تۇركيادا ءوسىپ جاتقان كەز-كەلگەن بالا تۇرىك مادەنيەتىن، تۇرىك ءتىلىن، تۇرىك ءدىلىن بويىنا سۋسىنداتىپ تاربيەلەنۋى ءتيىس.
سونى بىلە تۇرا، قازاقتىڭ قاراكوزدەرىن وزگە ۇلتتىڭ ەركەگىنىڭ جانىندا قىلىمسىپ تۇرعانىن كورگەن ءبىزدىڭ ءتوزىمىمىز تاۋسىلدى. ساياساتتارىن جۇزەگە اسىرۋىنا جول بەرمەيىك، قازاق قىزدارىن تەك قازاق جىگىتتەرى ايالاي الادى، قازاق قىزدارىنىڭ سۇلۋلىعى تەك قازاق جىگىتتەرىنە ءتان، قازاق قىزدارىنىڭ ەركەلىگىن تەك قازاق جىگىتتەرى كوتەرە الادى. مۇنداي جارنامالارعا جول بەرمەۋ دە قازاقتىڭ نامىستى جىگىتتەرىنىڭ قولىندا ەمەس پە؟!
قامشىگەر: گۇلىم جاقان
