الماتىلىق ستۋدەنت قىزدىڭ جوعالىپ كەتكەنى تۋرالى حابارلاندىرۋ العاش قاڭتار ايىندا شىققان دەپ حابارلايدى قامشى اقپاراتتىق اگەنتتىگى sputniknews.kz-كە سىلتەمە جاساپ. 

 الەۋمەتتىك جەلىلەر مەن مەسسەندجەرلەردە الماتى قالاسىنداعى قازاق باس ساۋلەت-قۇرىلىس اكادەمياسىنىڭ ستۋدەنتى مەرۋەرت عابيتوۆانىڭ جوعالىپ كەتكەنى تۋرالى حابارلاندىرۋ قايتا جارىق كوردى. قىزدىڭ تۋعان-تۋىستارىنىڭ سوزىنە سۇيەنسەك، ول ۇيىندە ەكەن، سول سەبەپتى بۇل اقپاراتتى تاراتۋدىڭ قاجەتى جوق. قاراعاندى وبلىسىندا جوعالىپ كەتكەن ءاپالى-سىڭلىلى امان-ەسەن تابىلدى.

بۇل جولى قىزدىڭ استانا قالاسىندا جوعالىپ كەتكەنى حابارلانعان. ال باسقا دەرەكتەر، ونىڭ ىشىندە ستۋدەنتتىڭ اعاسىنىڭ تەلەفون ءنومىرى قاڭتاردا جاريالانعان حابارلاندىرۋدان الىنىپتى.

"ءبىز مەرۋەرتتى قاڭتار ايىندا ىزدەگەنبىز، ول ءۇشىنشى نەمەسە ءتورتىنشى كۇنى تابىلدى، ءقازىر امان-ەسەن قولىمىزدا. سوعان قاراماستان سوڭعى اپتا بويى تەلەفونىم قوڭىراۋدان بوسامادى. بۇل اقپاراتتى كىم تاراتقانىن بىلمەيمىن. بۇل جايتقا نەمقۇرايلى قاراماعان بارلىق جانعا راحمەتىمدى ايتقىم كەلەدى. بىزدە ءبارى جاقسى، ەش الاڭداماڭىزدار"، — دەيدى قىزدىڭ اعاسى.