قازاقستاندا الداعى جىلدان باستاپ تەمەكى باعاسى قىمباتتايدى. ازاتتىق راديوسى سايتى جازۋىنشا، مۇنداي اقپارات بۇگىن ۇكىمەت قاۋلىسىمەن بىرگە رەسمي باسىلىمداردا جاريالانعان. قاۋلىعا سايكەس، 2015 جىلعى 1 قاڭتاردان باستاپ بولشەك ساۋدادا ءفيلترلى سيگارەتتىڭ جيىرما داناسى ءۇشىن ەڭ تومەنگى باعا 200 تەڭگە مولشەرىندە بەلگىلەنەدى.
قازىرگى ۋاقىتتا قازاقستاندا ءفيلترلى سيگارەتتىڭ ەڭ تومەنگى باعاسى 150 تەڭگە شاماسىندا. ايتا كەتسەك، ەلىمىزدە تەمەكى تۋرالى زاڭ ايتارلىقتاي كۇشەيگەن. جاسوسىپىرىمدەرگە الكوگول ونىمدەرىمەن تەمەكى ساۋدالاۋ زاڭمەن قۋدالانادى. سونداي-اق تۇنگى ۋاقىتتاردا دا بۇنداي ساۋداعا جول جوق.
قامشى-اقپارات
