ءبىر كۇنى گرەحەم ۇيقىدان تۇرعاننان كەيىن ءوزىنىڭ اعزاسىندا تۇسىنىكسىز وزگەرىس بولعانىن سەزگەندەي بولادى. سوسىن بىردەن دارىگەرگە قارالادى. ونىڭ ايتۋى بويىنشا، ءيىستى دە ءدامدى دە سەزبەيدى. ول ەشكىممەن سويلەسىپ، كوڭىل كوتەرگىسى كەلمەيدى.
دارىگەرلەر بۇنىڭ كوتار سيندرومىنىڭ العاشقى بەلگىلەرى ەكەنىن بىلمەگەن. سوندىقتان گرەحەمگە دارىگەرلەر اسا سەنىڭكىرەي قويمادى. الايدا ءبىر قىزىعى جىگىتتىڭ ميى ولگەن بولسا دا ول جۇرە الادى، سويلەي الادى. اتالعان سيندروم وتە سيرەك كەزدەسەدى جانە وتە ءقاۋىپتى بولىپ سانالادى.
گرەحەم ءوزىنىڭ ميى ولگەنىنە سەنىمدى جانە دە ميىن ءوز قولىمەن ولتىرگەن. مەن كۇيزەلىسكە ءتۇسىپ كەتىپ، جۋىناتىن بولمەدەگى ەلەكتر قۇرالدارىن قولدانىپ وز-وزىنە قول جۇمساماق بولعان. ءبىراق امان قالىپتى.
«بولعان جاعدايدى ءتۇسىندىرۋ وتە قيىن. مەن ءوز ميىمدى توق كوزى ارقىلى ولتىرگەنىمە سەنىمدىمىن. مەن ميىمنىڭ ولگەنىن سەزىپ تۇرمىن. ءبىراق سىزدەرگە تۇسىندىرە المايمىن»،- دەيدى ءتىرى ولىك ادام.
دارىگەرگە بارىپ وسى وقيعانى بايانداپ بەرگەندە ولار سەنە الماعان. ولاردىڭ ايتۋى بويىنشا، ەگەر گرەحەمنىڭ ميى ولگەن بولسا ول ءجۇرۋ بىلاي تۇرسىن سويلەي دە المايتىن ەدى.
بۇل سوزدەردەن جالىققان گرەحەم نيەۆرولوگ ادام زەمانمەن كەزدەسەدى. بۇل كاتار سيندرومى دەپ اتالادى. بۇل دەرتكە شالدىققاندار قاتتى كۇيزەلىسكە ءتۇسىپ كەتەدى نەمەسە تاماق جەۋدى ۇمىتىپ، قايتىس بولادى.
ءقازىر گرەحەمگە اعاسى قامقور بولىپ ءجۇر. گرەحەمدى تولىق تەكسەرۋدەن وتكىزگەن. ونىڭ ميى ۇيىقتاپ جاتقان ادامنىڭ ميى سەكىلدى ەكەنىن بەلگىلى بولدى. ءبىراق سوندا دا ول قوزعالا الادى. بۇل عاجاپ ءقۇبىلىس. گرەحەمگە پسيحوتەراپيالىق كومەك كورسەتىلىپ جاتىرر. ونىڭ جاعدايى بۇرىنعىدان جاقساردى.
اۋدارعان: اسەل وتەشوۆا
