قازاقستان پرەزيدەنتى نۇرسۇلتان نازاربايەۆ «تۇركى اكادەمياسىن قۇرۋ تۋرالى كەلىسىمدى راتيفيكاسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى اقوردانىڭ باسپا ءسوز قىزمەتى. كەلىسىمگە ساي، تاراپتار تۇركى اكادەمياسىن تۇركىتىلدەس مەملەكەتتەرىنىڭ ىنتىماقتاستىق كەڭەسىنىڭ قولداۋىمەن حالىقارالىق ۇيىم رەتىندە قۇرادى. 

 2012 جىلدىڭ 23 تامىز كۇنى  بىشكەكتە تۇركىتىلدەس مەملەكەتتەر ىنتىماقتاستىعى كەڭەسىنىڭ كەڭەيتىلگەن قۇرامىنداعى وتىرىسى كەزىندە قازاقستان، قىرعىزستان، ازەربايجان، تۇركيا  وكىلدەرى تۇركى اكادەمياسىن قۇرۋ تۋرالى كەلىسىمگە قول قويدى. كەلىسىمدە  اكادەميا استانادا قۇرىلادى دەپ كورسەتىلگەن بولاتىن.

ەستەرىڭىزگە سالاتىن بولساق، 2009 جىلدىڭ 3 قازان كۇنى ءازىربايجاننىڭ ناحچىۆان قالاسىندا وتكەن تۇركىتىلدەس مەملەكەتتەر باسشىلارىنىڭ IX سامميتىندە تۇركى الەمىن زەرتتەيتىن ارنايى ورتالىق قۇرۋدى جانە  تۇركى اكادەمياسىن قۇرۋدى ۇسىنعان قازاقستان پرەزيدەنتى نۇرسۇلتان نازاربايەۆ بولاتىن.

قامشى-اقپارات