گونكونگ پوليسياسى بۇگىن دەموكراتيالىق نورمالاردىڭ ساقتالۋىن تالاپ ەتكەن شەرۋشىلەرگە ايماق باسشىسىنىڭ كەڭسەسى ماڭىنداعى ماڭىزدى جولدى جاپتىرماۋ ءۇشىن كوزدەن جاس اعىزاتىن گاز شاشتى. بۇل تۋرالى ازاتتىق راديوسى حابارلادى.

گونكونگ باسشىسى كەڭسەسىنە جاقىن ۆان چاي اۋدانىنداعى پوليسيانىڭ شتاب-پاتەرىنە جۇزدەگەن ادام جينالىپ، 15 قازاندا قاقتىعىستاردا پوليسيانىڭ شەرۋشىلەردى سوققىعا جىققانىنا قارسى شاعىم جازۋعا كەزەككە تۇرعان. گونكونگتە ەكى اپتادان اسا ۋاقىتقا سوزىلعان شەرۋلەرگە 100 مىڭ ادامعا دەيىن قاتىسقان جاعدايلار تىركەلدى. ءقازىر ول كورسەتكىش بىرتىندەپ ازايعان.

نەگىزىنەن ستۋدەنتتەر مەن Occupy Central دەپ اتالاتىن ۇيىمعا قاتىسۋشىلاردان تۇراتىن نارازىلار بيلىكتەن 2017 جىلعا بەلگىلەنگەن جەرگىلىكتى اكىمشىلىك باسشىسىن سايلاۋدىڭ ەركىن بولعانىن تالاپ ەتەدى. رەسمي پەكين بولسا جەرگىلىكتى سايلاۋعا كانديداتتاردى ورتالىق بيلىك ءوزى ىرىكتەگەنى دۇرىس دەپ سانايدى.

ەستەرىڭىزگە سالاتىن بولساق، 1842 جىلى ۇلىبريتانيا يەلىگىنە ءوتىپ كەتكەن گونكونگ 1997 جىلى قحر-عا قايتارىلعان بولاتىن. الايدا، گونكونگ بيلىگى قىتايلىق باسقاراۋ جۇيەسىنەن تىس دەربەس ءومىر ءسۇرىپ كەلدى.

قامشى-اقپارات