مەنىڭ باياعىدان بەرى كەلە جاتقان مىنانداي ءبىر ادەت-داعدىم بار. ونى كوپپەن بولىسكەننىڭ ەش ارتىقتىعى بولماس دەپ ويلاپ وتىرمىن. 

مەن نە ساتىپ السام دا، قايدان ساتىپ السام دا، تەك قازاق ساتۋشىدان عانا ساتىپ الامىن. كەيدە ايەلىم ايتادى: - وزىمىزدىكىلەر الداپ جىبەرەدى! - دەپ. مەن ايتام: - الدانساق تا قازاققا الدانايىق، الداسا باسقا ەمەس، قازاق الداسىن! - دەپ. ونداعى ويىم: مەنىڭ قالتامداعى اقشا، از با، كوپ پە، ايتەۋىر مىندەتتى تۇردە قازاققا قىزمەت ەتۋى كەرەك! قازاقتىڭ اجەتىنە جاراۋ كەرەك، قازاقتىڭ وشاعىن جىلىتۋعا تامشىداي بولسا دا ۇلەس قوسۋى كەرەك! ءبىر كامپيت، ءبىر پەچەنيە بولسا دا، قازاقتىڭ بالاسى جەسىنشى دەگەن وي بىزدىكى! سوندىقتان قانداي ساۋدا ورتالىعىنا بارمايىن قازاق ساتۋشىلارىن ىزدەيمىن! ءتىپتى كەيدە ونىمدەرى ءسال-پال ناشارلاۋ بولسا دا، قازاقتىكىن ساتىپ الامىن. جالتىراپ، جايناپ تۇرسا دا، ورىستىكىنە ەشقاشان جولامايمىن، جولاعان دا ەمەسپىن. ول مەنىڭ اتا جاۋىم. قازاق دالاسىنا قاندى قىرعىن سالعان دا سولار. ەرتەڭ سوعىس بولسا، ماعان قارسى تاعى دا قارۋ سىلتەيدى، ۋكرايناداعىداي باۋىرلارىمدى ولتىرەدى... ال قازاقتىڭ قازاقتان باسقا دوسى جوق! قانشا جەردەن رۋعا بولىنگەنىمىزبەن، باسىمىزعا كۇن تۋسا، جاۋعا قارسى بىرلەسىپ اتويلايتىنىمىز انىق! سوندىقتان بولىنبەيىكشى، اعايىن! سىزدەر دە قايدان، قاي جەردەن بولسا دا قازاقتىڭ ساۋداسىن قىزدىرىپ كەتىڭىزدەرشى! بۇل باسقا ەمەس، قازاققا جاساعان جاقسىلىقتارىڭىز بولادى. بۇعان مەنىڭ جانۇيام، بالا-شاعام ابدەن ۇيرەندى. سىزدەر دە ۇيرەنىڭىزدەرشى، اعايىن!

دۋمان رامازان.