پاكىستاندىق ايەل پارۆين بيبي ءوز قىزىن ورتەپ جىبەرگەنى ءۇشىن ءولىم جازاسىنا كەسىلدى. ول ءوزىنىڭ 18 جاستاعى قىزى زينات رافيكتى اتا-اناسىنىڭ باتاسىن الماي،  ءوز سۇيگەنىنە تۇرمىسقا شىققانى ءۇشىن ورتەپ جىبەرگەن.

اتالعان وقيعا جاس جۇبالاردىڭ لاحوردا تويلارى وتكەننەن كەيىن بولعان ەكەن. زينات ولەرر الدىندا ءوزىنىڭ اتا-اناسىنىڭ ۇيىندە بولعان. اناسى مەن اعاسى زيناتتى بايلاپ، ۇستىنە كەروسين قۇيىپ، كەيىن ورتەپ جىبەرگەن. پارۆين بيبي قىزىن ورتەپ بولعاننان كەيىن، كوشەگە شىعىپ، وتباسىن ماسقارالاعان قىزىن ءوز قولىمەن ولتىرگەنىن ايتىپ ايقايلايدى.

زيناتتىڭ كۇيەۋى حاسسان كحان وزگە ۇلت وكىلى بولعاندىقتان، اتا-اناسىمەن بىرگە بۇكىل تۋىسقاندارى قارسى بولعان. ولار ءۇشىن وزگە ۇلت وكىلىنە قىزدارىن بەرۋ ۇلكەن قىلمىس بولىپ سانالادى.

اۋدارعان: اسەل وتەشوۆا

كحاننىڭ جەرگىلىكتى تەلەارنالاردىڭ بىرىنە بەرگەن سۇحباتىندا، اتا-اناسى ءوز باتاسىن بەرەتىندىگىن، ءبىراق ول ءۇشىن قىزدى قايتادان ۇلكەن توي جاساۋ كەرەكتىگىن ايتقان ەكەن. تۋىستارى زيناتقا ەشقانداي زياندارىن تيگىزبەيتىنىن ايتىپ، ۋادە بەرگەن ەكەن.

زيناتتىڭ اعاسىنا قىلمىسقا كومەكتەسكەنى ءۇشىن، ءومىر بويى باس بوستاندىعىنان ايىرۋ جازاسى تاعايىندالاتىن بولدى.