بىرنەشە اي عانا ءومىرى قالدى دەگەن ەر ادام تاۋدى باعىندىرۋعا بەل بايلايدى، دەپ جازادى قامشى اقپاراتتىق اگەنتتىگى.

لوندوندىق 47 جاستاعى يان تۋتحيلل قاتەرلى ىسىككە شالدىعادى. ولىمىنە بىرنەشە اي قالعان ەر ادام ەۆەرەستى باعىندىردى. تاۋدىڭ شىڭىن باعىندىرۋ ءۇشىن يان 20 كۇن جۇمساپ، 5 ماۋسىمدا ماقساتىنا جەتتى.

شەففيلد قالاسىندا تۋعان يان جەرگىلىكتى «شەففيلد ۋەندسەي» فۋتبول كلۋبىنىڭ جانكۇيەرى بولعان. ال ومىرىندەگى ەڭ سوڭعى ساياحاتىنا ەر ادام ءوزى جانكۇيەر بولعان فۋتبول كلۋبىنىڭ قارسىلاسى «شەففيلد يۋنايتەد» كومانداسىنىڭ تۋىن الىپ شىقان. ەر ادامنىڭ ايۋىنشا، مۇنداي ءوتىنىشتى ياننىڭ ەكسپەديسياسى ءۇشىن 1000 فۋنت ستەرلينگ جۇمساعان «يۋنايتەد» كومانداسىنىڭ جانكۇيەرى ايتقان.

«بۇل جەردە كوڭىل اۋدارارلىق دۇنيە جوق. قاتەرلى ىسىككە شالدىعىپ، ولەتىن كۇنىن ساناپ جۇرگەن «شەففيلد ۋەندسەي» فۋتبول كلۋبىنىڭ جانكۇيەرى ەۆەرەست شىڭىندا قارسىلاس كوماندانىڭ تۋىن ۇستاپ تۇر»، دەپ جازدى تاۋدى باعىندىرعىن يان ءوزىنىڭ تۆيتتەردەگى پاراقشاسىنا.

ءولىم اۋزىنداعى ءالپينيستىڭ ارمانىن ورىنداۋ ءۇشىن 700-گە جۋىق ادام  اتسالىسقان.   

«مەن ەۆەرەستكە قاتەرلى ىسىكپەن كۇرەسىپ جاتقان ادامدار ءۇشىن شىقتىم. سول كۇرەستەن جەڭىلىس تاۋىپ، بۇگىندە دۇنيەدەن وتكەن ادامداردىڭ تۋىستارى ءۇشىن شىقتىم»، دەپ جازىلعان ەندى ءبىر جازباسىندا.

بي-بي-سي راديوسىنا بەرگەن سۇحباتىندا يان تۋتحيلل «ومىردە ءبارى مۇمكىن ەكەنىن دالەلدەۋگە» ۋادە بەردى.

شولۋشى: گۇلىم جاقان