ءسابي - شاڭىراقتىڭ شاتتىعى. دۇنيەگە دەنى ساۋ ءسابي اكەلۋ ءۇشىن ايەلدىڭ دە دەنساۋلىعى مىقتى بولۋى كەرەك. دارىگەرلەر وتباسىن قۇرماق نيەتى بار ايەلدەرگە الدىن-الا تەكسەرۋدەن ءوتۋدى ۇسىنادى. ءسابيدىڭ دۇنيەگە ساۋ بولىپ كەلۋىنە انانىڭ جاسى دا ءبىرشاما اسەر ەتەدى. بىرنەشە جىل بۇرىن تۇڭعىشىن كەش بوسانعان انالارعا 25-26 جاستاعى ايەلدەردى جاتقىزاتىن. بولاشاق انالار ءۇشىن ەڭ قولايلى ۋاقىت 20 مەن 27ء-نىڭ اراسى دەپ تانىلعان. الايدا عالىمداردىڭ سوڭعى زەرتتەۋلەرى باسقاشا كورسەتكىش بەرىپ وتىر. بۇل تۋرالى مالىمەتتى  قامشى اقپاراتتىق اگەنتتىگى وقىرمان قاۋىمعا ۇسىنادى. 

قاي جاسقا كەلگەندە دۇنيەگە ءسابي اكەلگەن دۇرىس دەگەن ساۋال كەشە-بۇگىن پايدا بولعان جوق. جاس انالاردىڭ دەنساۋلىعى ۇلكەن جاستاعى ايەلدەردىڭ اعزاسىمەن سالىستىرعاندا مىقتى، ۇرىق جاسۋشالارى قورشاعان ورتانىڭ زياندى زاتتارى اعزالارىنا ءسىڭىپ ۇلگەرمەگەن. ال ەكىنشى جاعىنان قاراساق، جىل وتكەن سايىن ايەلدەر نەكەگە ءبىرشاما كەش تۇرىپ جاتادى. باستى نازارلارىن مانساپ پەن ساياحاتقا، جاستىق شاقتىڭ قىزىعىنا جۇمساپ جاتادى.

كوپشىلىكتىڭ پىكىرى بويىنشا، 20-27 اراسىندا ايەلدەر تۇڭعىشىن  دۇنيەگە اكەلگەن دۇرىس. ال تەحاس ۋنيۆەرسيتەتىنىڭ دوكتورى دجون ميروۆسكيدىڭ ايتۋى بويىنشا، تۇڭعىش ءسابيدى بوسانۋعا 34 جاس وتە قولايلى. ونىڭ سەبەبىن دە ءتۇسىندىرىپ كەتكەن.

34 جاستا ايەلدىڭ اعزاسى بالا كوتەرۋگە ىڭعايلى، بەيىم. جاس كەزدە ايەلدىڭ بويىندا ءتۇرلى اۋرۋلار بولىپ، بوسانۋ بارىسىندا قيىندىق تۋدىرادى. بۇل تەوريانىڭ دۇرىستىعىن پسيحولوگ ماماندار دا قولداپ وتىر. 30 جاستا ايەلدەر ءوزىنىڭ سەرىگىمەن سالماقتى، تۇراقتى قارىم-قاتىناستا بولادى. ومىرلىك تاجىريبەسى دە بار، ءارى وز-وزدەرىن قارجىلاندىرا الاتىن جاعدايدا بولادى.

ال دارىگەرلەردىڭ ايتۋىنشا، 35 جاتسان كەيىن ايەلدەر بالا كوتەرۋدى ماماندارمەن اقىلالداسقانى دۇرىس جانە قاتاڭ تەكسەرۋدە بولۋ كەرەك.

وتباسىن قۇرۋ قانشالىقتى ماڭىزدى بولسا، سول شاڭىراقتىڭ شاتتىعىنا اينالاتىن ءسابيدى جارىق دۇنيەگە الىپ كەلۋ دە جاۋاپتىلىقتى تالاپ ەتەدى. 

دايىنداعان: ايگەرىم تاۋباي