بۇگىن اقتوبەدە قالاسىندا ورنالاسقان «مەيىرىم» جاستار ۇيىنە كەڭەس راقىشيەۆ پەن اسەل تاسماعامبەتوۆا كەلدى. قازاقستاننىڭ باي مەسەناتتارى اقتوبەدەن جەتىم بالالارعا ارنالعان ورتالىق سالىپ بەردى دەپ حابارلايدى قامشى اقپاراتتىق اگەنتتىگى  Aktobenews.kz- كە سىلتەمە جاساپ.

جاستار ءۇيىن سالۋ ءۇشىن يمانعالي تاسماعامبەتوۆتىڭ قىزى مەن كۇيەۋ بالاسى وتباسىلىق بيۋدجەتتەرىنەن 1،5 ملرد قارجى جۇمسالعان.

«ورتالىق تۋرالى اۋىزىمىزدى تولتىرىپ ايتۋعا بولادى. قازاقستاندا وسىنداي الەۋمەتتىك بالالار ءۇيى ءبىرىنشى رەت اقتوبەدەن اشىلىپ جاتىر. بۇل جەردە بارلىق جاعداي جاسالعان. اتا-اناسىنىڭ قامقورلىعىنسىز قالعان بالالار ءوز ۇيىندە تۇرعانداي سەزىنۋ كەرەك. ورتالىق ىشىنەن بىرنەشە سەح اشىلدى. بالالار جۇمىس ىستەپ ۇيرەنىپ، وزدەرىن دامىتسا دەيمىز. قازىرگى زاماندا جاستار ماسىل بولماۋ كەرەك. وسى بالالاردى قۋانتىپ جاتقان سىزدەرگە العىس ايتامىن. رامازان ايىندا جاساعان ءىستىڭ ساۋاپبى ۇلكەن. ادام ءارقاشان العىس الىپ ءجۇرۋ كەرەك»، – دەدى اقتوبە وبلىسىنىڭ اكىمى بەردىبەك ساپاربايەۆ.

ورتالىقتىڭ ءىشى مەن سىرتىن وبلىس اكىمىمەن بىرگە ارالاپ شىققان قوناقتار بۇل اقتوبەگە جاساپ وتىرعان سوڭعى كومەكتەرى ەمەس ەكەندىكتەرىن جەتكىزدى.

«ءسابي» قايىرىمدىلىق قورىنىڭ ۇسىنىسىمەن سالىنعان «مەيىرىم» جاستار ورتالىعىنىڭ اشىلۋىمەن بارشاڭىزدى قۇتتىقتايمىن. ەل بولاشاعى جاستاردىڭ قولىندا. سول سەبەپتى بۇل جوبانىڭ ماڭىزى زور. ورتالىقتا تەك باسپانا بەرىلىپ قانا قويمايدى. ولاردىڭ وسى جەردەن ماماندىق الۋىنا دا جاعداي جاسالعان. وسى باستامامىز ءارى قاراي داميتىنىنا سەنەمىن. مۇنداي ورتالىق قازاقستاندا ءبىرىنشى رەت سالىندى. بۇل اقتوبەدەگى ءبىزدىڭ العاشقى جوبامىز ەمەس. مۇگەدەكتەرگە كولىك پەن بىرنەشە بالالار الاڭىنىڭ قۇرىلىسىن سالىپ بەردىك. بۇگىنگى شارانىڭ ءبىزدىڭ قايىرىمدىلىق قورىمىزدىڭ 15 جىلدىعىمەن تۇسپا-تۇس كەلگەنىنە قۋانامىز»، – دەدى تاسماعامبەتوۆا.

«مەيىرىم» ورتالىعىندا 16-29 جاس ارالىعىنداعى بالالار ءۇيىنىڭ تۇلەكتەرى تۇراتىن بولادى. قازىرگى ۋاقىتتا وندا 88 تاربيەلەنۋشى قابىلدانعان. ماماندار تاربيەلەنۋشىلەر سانى 110-عا جەتەتىن ايتتى. ورتالىقتىڭ 5 كورپۋسى بار.

شولۋشى: ايگەرىم تاۋباي