گيمناستيكالىق كلۋب قىزمەتكەرلەرى الگى تەرروريستىڭ بالالاردىڭ ميىن ۋلاپ تاستامادى ما ەكەن دەپ ۋايىمداپ وتىر.

سەنبىدەن جەكسەنبىگە قاراعان ءتۇنى لونداوندا ورىن العان تەراكتىنى ۇيىمداستىرۋشىلاردىڭ ءبىرى يوسەف زاگبا 2016 جىلدان بەرى گيمناستيكالىق كلۋبتا بالالاردى جاتتىقتىرعان ەكەن، دەپ حابارلايدى قامشى اقپاراتتىق اگەنتتىگى شەتەلدىك The Sun باسىلىمىنا سىلتەمە جاساپ.

زاگبا داگانحامەدەگى Catleaps Gymnastics سپورت كلۋبىندا جۇمىس ىستەگەن. باق-تىڭ مالىمەتىنشە، جۇمىسقا ەشقانداي دا تەكسەرۋسىز الىنعان. كلۋب قىزمەتكەرلەرى زاگبانىڭ وسى جىلدىڭ اقپان ايىنان باستاپ جۇمىسقا مۇلدەم كەلمەگەنىن ايتتى.

«ءبىز ۋايىمداپ وتىرمىز. ول بالالارىمىزدىڭ ميىن ۋلاپ كەتۋى مۇمكىن عوي. ءبىز ودان دا زورىن ىستەي الاتىن ەدىك» دەيدى كلۋب قىزمەتكەرى.

ەسكە سالا كەتەيىك، 4 ماۋسىم كۇنى لوندونداعى كوپىر مەن بورو ساۋدا ورتالىعىنىڭ ماڭىندا ورىن العان تەراكتىنىڭ سالدارىنان 7 ادام قازا تاپقان. تەراكتىنى ۇيىمداستىرۋشىلاردىڭ قاتارىندا يوسەف زاگبا، پاكىستان تۋمالارى گۋرام شازاد باتت پەن راشيد رەدۋان بولدى. تەرروريستەردىڭ ءبارى سول ءتۇنى-اق قۇرىقتالعان.
 

شولۋشى: گۇلىم جاقان