2017 جىلى ناۋرىز بەن مامىر ايلارىنىڭ ارالىعىندا ءار قازاقستاندىق كوسمەتيكاعا، پارفيۋمەرياعا 20 مىڭ تەڭگەگە جۋىق اقشا قۇرتتى دەپ جازادى قامشى اقپاراتتىق اگەنتتىگى «ياندەكس .دەنگي» ەلەكتروندى تولەم قابىلداۋ قىزمەتىنە سۇيەنىپ.

بۇل سوما بىلتىرعى جىلمەن سالىستىرعاندا 2،5 ەسە  ارتتى. جاقپامايلارعا، كوسمەتيكاعا، پارفيۋمەرياعا كەتەتىن سوما 23 361 تەڭگە.

سونىمەن قاتار، قازاقستاندىقتاردىڭ اراسىندا كومەتيكادان بولەك سپورتتىق تاۋارلارعا دا تاپسىرىس بەرۋ جيىلەدى.  تۇبىرتەكتىڭ ورتاشا سوماسى 24 245-تەن 61 026-عا دەيىن ءوستى.

سىرت-كەلبەتىنەن بولەك قازاقستاندىق قولدانۋشىلار ءوزىن دامىتۋدى دا شەتتە قالدىرعان جوق. وسى جىلعى كوكتەممەن بىلتىرعى كوكتەمدى سالىستىرساق، ونلاين-وقىتۋ كۋرستارىمەن وقيتىن ادامداردىڭ سانى 1،8 ەسەگە ءوستى. ورتاشا ەسەپپەن – 19 070 تەڭگە. كىتاپتارعا تاپسىرىس بەرۋ كورسەتكىشى 3،2-گە ارتتى دەپ جازىلدى.

زەرتتەۋ بارىسىندا الماتى، استانا، شىمكەنت، اقتوبە، تاراز، پاۆلودار، وسكەمەن، سەمەي قالالارىنىڭ تولەمدەرى ياندەكس.كاسسا ارقىلى سالىستىرىلدى.

شولۋشى: الميرا اسلانوۆا