ادامدار تولىق دارىگەرگە سەنىم ارتۋعا دايىن تۇرادى. كوپ جاعدايدا ولاردىڭ ءوز ءىسىن جاقسى بىلەتىنىنە  سەنگىمىز كەلەدى. لاس-ۆەگاس تۇرعىنى الەكس سيمستە ءدال وسىلاي دارىگەرلەرگە سەنىم ارتقان. الايدا پالاتاعا اكۋشەر كىرىپ كەلگەندە ودان ىشىمدىكتىڭ ءيىسى شىعىپ تۇرعان. ءوز دارىگەرى ەڭبەك دەمالىسىندا بولعاندىقتان ونى فرەنك دەلي ەسىمدى اكۋشەر-گينەكولوگ  بوساندىراتىنى تۋرالى حابارلانعان.

الەكس سيمس دارىگەردى ۇيالى تەلەفونىنداعى كامەراعا تۇسىرە باستاعان. ونداعى كادرلار تاڭقالدىرادى. الەكس دارىگەردىڭ جالاڭ اياق، قىسقا بالاقتى شالبارمەن جۇرگەنىن بايقاپ قالادى.

«مەن دارىگەرگە ەپيدۋرالدى انەستەزيا كەتكەنىن، بوساناتىن ۋاقىت تاياپ قالعانىن سەزەتىنىمدى ايتقاندا ول ماعان «ءوزىڭنىڭ مايلى جامباسىڭمەن توسەككە جات» دەپ بۇيىرعاندا ەسەڭگىرەپ قالدىم» دەيدى الەكس.

الايدا بۇل الەكس كورگەن قورلىقتىڭ باستاماسى عانا ەكەن. ونىڭ ۇلى دۇنيەگە كەلگەندە ءسابيدىڭ وڭ قولى زاقىمدانعانى انىقتالدى. كەيىن دەليدىڭ وقىس قيمىلى بالانىڭ سال بولىپ قالۋىنا سەبەپ بولعان جانە جۇيكە جۇيەسىنە زاقىم كەلگەندىكتەن قولى زاقىمدانعان.

مۇنى بىلگەن الەكس دارىگەر مەن دەليدىڭ جۇمىس ىستەيتىندەي جاعدايدا ەمەس ەكەنىن كورە تۇرا وعان بوگەت بولماعانى ءۇشىن  مەيىربيكەلەردىڭ ۇستىنەن ارىز جازدى. كەيىنىرەك دەليدىڭ بۇعان دەيىن دە قىزمەتتىك جاعدايىن اسىرا پايدالانعانى انىقتالعان. دەليدىڭ ۇستىنەن 6 رەت شاعىم تۇسكەن.  

الەكس ادىلدىك ورناتۋدى ارمانداپ قانا قويماي، دەلي بۇدان كەيىن باسقالارىنا زاقىم كەلتىرە المايتىنداي ونى اۋرۋحانادا جۇمىس ىستەۋگە تىيىم سالعانىن قالايدى.

ءقازىر سوتقا دەيىنگى تەكسەرۋ جۇمىستارى جۇرگىزىلىپ جاتىر.

شولۋشى: سابينا رامازان