ليۆيانىڭ توڭكەرىسكە ۇشىراعان ليدەرى كاددافيدىڭ ۇلى سايف ءال-يسلام قاماۋدان شىقتى دەپ حابارلايدى Qamshy.kz
ەلدەگى وكىلدەر پالاتاسىنا قارايتىن باس حاليفا حافتار كۇشتەرى باسقاراتىن ءابۋ باكىر ءاس سادىق تۋگايدىڭ الەۋمەتتىك جەلىدەن جاساعان مالىمدەمەسىنە ساي كاددافيدىڭ ۇلى سايف ءال-يسلام جۇما كۇنى قاماۋدان بوساتىلىپ، قالادان شىعىپ كەتكەن.
سايف ءال-يسلام وتكەن جىلى قايتىس بولعان بۇرىنعى ادىلەت ءمينيسترى ءال مابرۋك كاريرادان الىنعان حاتتارعا سۇيەنە وتىرىپ جانە وكىلدەر پالاتاسى تاراپىنان شىعارعان راقىمشىلىق تۋرالى زاڭعا ساي بوساتىلعان.
حالىقارالىق قىلمىستىق سوت بىرنەشە رەت 2011 جىلعى حالىق ءدۇمپۋى كەزىندە «ادامزاتقا قارسى قىلمىس» بويىنشا ايىپتالعان سايف ءال-يسلامنىڭ وزدەرىنە بەرىلۋى تالابىن جاساپ كەلسە دە ليۆيا قابىلداماعان ەدى. سايف ءال-يسلام اكەسىنىڭ ولىمىنەن كەيىن 2011 جىلى قاراشادا ليۆيا وڭتۇستىگىندەگى سابحا قالاسىندا تۇتقىنعا تۇسكەن بولاتىن.
كاددافيدىڭ ۇلى سايف ءال-يسلام، بارلاۋ قىزمەتىنىڭ بۇرىنعى باسشىسى ابدۋللا اس-سەنۋسي جانە بۇرىنعى پرەمەر ءال-باعدادي ءال-ماھمۋدي سياقتى رەجيمنىڭ سيمۆولدى تۇلعالارى دا بار 37 كىسى، 2011 جىلى اقپان ايىندا باستالعان حالىق ءدۇمپىن زورلىقپەن باسۋ، اۋىل مەن قالانى قورشاۋ جانە مەملەكەت مۇلكىنە زالال كەلتىرۋ سياقتى قىلمىسپەن ايىپتالعان بولاتىن.
