ۇلىبريتانيانىڭ Quacquarelli Symonds اگەنتتىگىنىڭ سوڭعى QS رەيتينگى شىقتى دەپ حابارلايدى Qamshy.kz

ۇلىبريتانيا اگەنتتىگىنىڭ سوڭعى رەيتينگىنىڭ كوشىن ماسساچۋسەتس تەحنولوگيالىق ينستيتۋتى باستاپ، الەمنىڭ ەڭ ۇزدىك جوعارى وقۋ ورنى اتاندى.

اتالعان رەيتينگتى جاساۋدا جوعارى وقۋ ورنىنىڭ تانىمالدىعى، باق-تا ءجيى كورىنۋى، تۇلەكتەرىنىڭ جۇمىسقا ورنالاسۋى، شەتەلدىك ستۋدەنتتەر مەن وقىتۋشىلاردىڭ سانى ەسەپكە الىنادى.

رەيتينگتە قازاقستاننان توپ-400-گە 2 ۋنيۆەرسيتەت كىرگەن. ءال-فارابي اتىنداعى قازاق ۇلتتىق ۋنيۆەرسيتەتى 236 ورىندى يەلەنسە، گۋميليەۆ اتىنداعى ەۋرازيا ۇلتتىق ۋنيۆەرسيتەتى 336 ورىندى، ساتبايەۆ اتىنداعى ۇلتتىق تەحنيكالىق ۋنيۆەرسيتەت 410-420 اراسىنداعى ورىنعا زورعا ىلىنگەن. اباي اتىنداعى ۇلتتىق پەداگوگيكالىق ۋنيۆەرسيتەت 491-500 اراسىندا.  ايتا كەتسەك، قازۇۋ وتكەن جىلى اتالعان رەيتينگتە 275 ورىندا تۇرعان.

ال، رەسەيدىڭ لومونوسوۆ اتىنداعى ماسكەۋ ۋنيۆەرسيتەتى 95 ورىنعا جايعاسقان. توپ-400 اراسىندا رەسەيدىڭ 10 ۋنيۆەرسيتەتى بار. تۇركيا ۋنيۆەرسيتەتتەرىنىڭ ەڭ ماڭداي الدى دەگەنى 410-نان تومەن ورىندارعا جايعاسىپتى. ىستامبۇل، انكارا، گازي، حاجەتتەپە سياقتى ۋنيۆەرسيتەتتەر تۇگەلدەي 700-دەن تومەن كورىنەدى.

اقش-تىڭ 15 بىردەي ۋنيۆەرسيتەتى توپ-30 ۋنيۆەرسيتەت ىشىندە. توپ-30 ۋنيۆەرسيتەت اراسىندا ۇلى بريتانيانىڭ 6 ۋنيۆەرسيتەتى بار.

ازيادان وتىزدىققا كىرگەنى تورتەۋ عانا.  سينگاپۋر ۇلتتىق ۋنيۆەرسيتەتى 15 ورىنعا جايعاسقان. سينگاپۋردىڭ تاعى ءبىر ۋنيۆەرسيتەتى نانيانگ تەحنولوگيالىق ۋنيۆەرسيتەتى 11 ورىندى ەنشىلەگەن. قىتايدىڭ سينحۋا ۋنيۆەرسيتەتى(25) جانە گونكونگ ۋنيۆەرسيتەتى(26) عانا كىرگەن.