قازاقستان پرەزيدەنتى وزبەكستان رەسپۋبليكاسىنىڭ پرەزيدەنتى شاۆكات ميرزيويەۆپەن تەلەفون ارقىلى سويلەستى، دەپ جازادى قامشى اقپاراتتىق اگەنتتىگى. بۇل تۋرالى اقوردانىڭ باسپا ءسوز قىزمەتى حابارلايدى.
اڭگىمە بارىسىندا وزبەكستان پرەزيدەنتى نۇرسۇلتان نازاربايەۆقا بيىلعى 8-9 ماۋسىمدا استاناعا كەلگەن وزبەك دەلەگاسياسىنا قوناقجايلىق كورسەتكەنى ءۇشىن ريزاشىلىق ءبىلدىرىپ، «ەكسپو-2017» حالىقارالىق كورمەسىنىڭ جوعارى دەڭگەيدە ۇيىمداستىرىلعانىن اتاپ ءوتتى.
سونىمەن قاتار، ەكى ەل كوشباسشىلارى ەكىجاقتى ىنتىماقتاستىقتىڭ جاعدايى مەن پەرسپەكتيۆالارىن تالقىلاپ، كۇن تارتىبىندەگى وڭىرلىك جانە حالىقارالىق وزەكتى ماسەلەلەر بويىنشا پىكىر الماستى.
تەلەفون ارقىلى سويلەسۋگە وزبەكستان جاعى باستاماشى بولدى.
