اقش-تىڭ 10 جاستاعى تۇرعىنى ەببي فاركو دەنى ساۋ بولىپ ءومىر ءسۇرۋدىڭ نە ەكەنىن ءبىراز ۋاقىتقا دەيىن سەزىنە المادى. ول 4 جاسىندا لەيكەميا اتتى اۋرۋعا شالدىقتى.  سول كەزدەن بەرى كوپتەگەن اۋرۋلارمەن كۇرەسىپ كەلەدى.

سول كەزدىڭ وزىندە-اق  دارىگەرلەر بالانىڭ ءتىرى قالۋ مۇمكىندىگى بار بولعانى 20% دەپ اتا-اناسىن شوشىتقان بولاتىن. ەببيگە بىرنەشە وپەراسيا جاسالدى. 6 جاسىندا اۋرۋىنان ايىعىپ، دەنى ساۋ بالالاردىڭ قاتارىنا قوسىلعان بولاتىن. ول وزگە بالالار سەكىلدى مەكتەپكە بارا باستادى، ءتىپتى فۋتبولمەن دە اينالىستى.  الايدا ونىڭ اۋرۋى ودان دا قيىن جولمەن قايتا اينالىپ كەلدى. ول قاتەرلى ىسىك اۋرۋىنا شالدىقتى.  ونىڭ اۋرۋى ءتىپتى اۋىر بولعان ەدى.

«ەببي قوزعالا المادى، قوزعالعان كەزدە ول قاتتى قينالدى»،- دەدى ەببيدىڭ اناسى پەتتي.

2 جىلدان كەيىن ونىڭ ميىنا تاعى دا وپەراسيا جاسالدى.  وسى كەزدە وعان شۇعىل تۇردە دونور ولاتىن اعزا قاجەت بولدى. ءبىراز كۇننەن كەيىن  ەببيدىڭ بۇيرەگى ىستەن شىقتى.  دارىگەرلەر وزگە تەراپيالىق بولىمگە جاتقىزىپ، اتا-اناسىنا 48 ساعاتتان كەيىن بالانىڭ اۋرۋعا شىداماي، قايتىس بولاتىنىن ايتقان.

بارلىق وتباسى ەببيدىڭ بولمەسىنە جينالىپ، ونىمەن قوشتاسا باستايدى. وسى ساتتە عاجايىپ وقيعا ورىن الادى. ەببي كوزىن اشىپ، «مەن بۇل ومىردە ءبىراز دۇنيەنى ىسكە اسىرۋىم كەرەك»، - دەپ ايتادى. وسى سوزىنەن كەيىن ەببي اۋرۋىنان ايىعا باستايدى. دارىگەرلەر تاڭعاجايىپ قۇبىلىستى عىلىممەن تۇسىندىرە المادى. وسى ساتتەن باستاپ ەببي ءجۇرىپ، ءتىپتى جۇگىرە الاتىن كۇيگە جەتتى.  ءقازىر ول كۇنىنە 2 رەت ءدارى قابىلدايدى. ونىڭ اۋرۋى قايتادان اسقىنىپ كەلۋ ءقاۋپى دە جوق ەمەس، الايدا بارلىق وتباسى ەببيدىڭ ءاربىر سەكۋندىن قۋانىشقا تولتىرۋعا تىرىسادى. 

اۋدارعان: اسەل وتەشوۆا