سپالدينگ قالاسىنىڭ تۇرعىندارى 49 جاستاعى ەليزابەت ەدۆاردس پەن 13 جاستاعى كەتي ۇلكەن قىزىنىڭ قولىنان كوز جۇمدى.تەرگەۋ بارىسىندا اناسى مەن ءسىڭىلىسىنىڭ ولىمىنە ۇلكەن قىزى كيم مەن ونىڭ جىگىتى لۋكاس ماركحەم كىنالى ەكەنى دالەلدەندى. جاسوسپىرىمدەر ەليزابەت پەن كەتيدى ولتىرگەننەن كەيىن، باسسەيىندە شومىلىپ، جىنىستىق قاتىناسقا تۇسكەن.

     كيمنىڭ ايتۋى بويىنشا اناسى ءسىڭىلىسىن قاتتى جاقسى كورگەن، ال ۇلكەن قىزىن مۇلدەم ەلەمەگەن. كيم 6 جاستا بولعاندا تەلەديدار قاراپ جاتقانى ءۇشىن اناسى ونى بەتىنەن ۇرعان. وسى جاعدايدان كەيىن بالالاردى اسىراندى وتباسىعا تاپسىرعان. ءبىراز ۋاقىتتان كەيىن ەكى قىز ءوز تۋعان جانۇياسىنا قايتارىلدى. باسقا بالالار سەكىلدى بوس ۋاقىتىندا تەلەديدار قاراپ، اناسىنان تاياق جەگەنىڭ كيم ەشقاشان ۇمىتقان ەمەس. وسى ۋاقىتقا دەيىن اناسىنان كەك الۋ ۋاقىتىن كۇتىپ جۇرگەن.

     اناسىن ولتىرۋگە يتەرمەلەگەن سوڭعى ۇرىس ءساۋىر ايىندا بولعان. ەليزابەت بالالارىنىڭ اكەسىمەن قارىم-قاتىناس ۇستاۋىنا قارسى بولعان. اكەسىمەن كورىسكەنى ءۇشىن كيمدى جازالاپ وتىرعان. ال كيم بولسا اكەسىنىڭ سۇيىكتى قىزى بولعانىڭ ۇنەمى بىلگەن. سوڭعى ۇرىستا اناسى قىزىنا: «ناشاقور اكەننىڭ ءومىرى سەنى دە كۇتىپ تۇر» دەۋى ءجاسوسپىرىمنىڭ اشۋىن كەلتىرگەن.  سونىمەن قاتار، ەليزابەت قىزىنىڭ جىگىتىن دە ۇناتپاي وعان ۇنەمى ءتىل تيگىزۋمەن بولعان. ەكى عاشىق مەكتەپتە تانىسقان. لۋكاس بۇزاقى بولسا دا، ءاردايىم كيمنىڭ قاسىنان تابىلىپ، ونىڭ قامقورشىسىنا اينالعان.

     ءبىر كۇنى لۋكاس ءازىل رەتىندە اناسىن ءولتىرۋدى ۇسىندادى، ءبىراق كيم ونى شىنداپ قابىلداعان. كەشكە قاراي لۋكاس قىزداردىڭ جاتىن بولمەسىندەگى تەرەزەدەن كىرىپ،  وزىممەن بىرگە اسۇيلىك پىشاقتاردى اكەلەدى. سول كەزدە كيم اناسىن سوسىن ءسىڭىلىسىن پىشاقتاپ ولتىرەدى. وسىنداي وقيعادان كەيىن وز-وزدەرىنە قول جۇمساماقشى بولادى، الايدى تەلەديداردىڭ الدىندا تاتتىلەردى جەۋ ولارعا دۇرىسىراق كورىنگەن.

     جاسوسپىرىمدەردى ەكى ادامنىڭ ولىمىنە سەبەپكەر بولدى دەگەن ايىپپەن 17 جىلعا تۇرمەدە قامالدى. كيم اناسىن ولتىرگەننەن كەيىن اناسى مەن ءسىڭىلىسى بۇل دۇنيەدە بولماعانىنا قاتتى قۋاندى. سەبەبى ەندى ەشكىمنەن ۇرىس ەستىمەي، ەشكىمنەن تاياق جەمەيدى.

شولۋشى: سابينا رامازان