رەسپۋبليكاشىل كونگرەسسمەن ستيۆ سكاليز الەكساندريا قالاسىنداعى اتىستا جارالاندى دەپ حابارلايدى قامشى اقپاراتتىق اگەنتتىگى. اتىس جاساعان ادامنىڭ ءوزى اۋىر جاراقاتتانىپ، اۋرۋحانادا كوز جۇمدى.

 Fox News تەلەارناسى سەناتور مايك ليگە سىلتەمە جاساپ وق سكاليزدىڭ  جامباسىنا تيگەنىن جانە ەكى پوليسەي مەن كونگرەسسمەننىڭ كومەكشىسى جارالانعانىن حابارلادى.

پوليسيا 5 ادامنىڭ زارداپ شەككەنىن راستادى. ونىڭ ىشىندە اتىس جاساعان ادام دا بار.

اقش پرەزيدەنتى دونالد ترامپ تۆيتتەردە ستيۆ سكاليزدىڭ جاراقاتى ومىرگە ءقاۋىپ ءتوندىرىپ تۇرماعانىن حابارلاعان.

شابۋىلدىڭ ماقساتى تۋرالى پوليسيا ءالى ەشتەڭە ايتپادى. 15 ماۋسىمعا جوسپارلانعان سەناتور مەن رەسپۋبليكاشىلدار اراسىنداعى وتەتىن بەيسبولدان جارىس الدىندا كونگرەسسمەندەر مەن سەناتورلار جاتتىعىپ جاتقان ۋاقىتتا اتىس باستالدى.  

وقيعا ورىن العان كەزدە كورشى بەيسبول الاڭىندا بولعان كونگرەسسمەن-رەسپۋبليكاشىل مورريس برۋكس سي-ەن-ەن-گە شابۋىلداۋشى ۆينتوۆكادان اتقانىن جانە 50-دەن 100 مارتە وق اتقانىن حابارلاعان. ول شابۋىلدىڭ كەزدەيسوق ەمەس الدىن-الا جوسپارلانعانىنا سەنىمدى ەكەنىن ايتادى.

«ادامدار مۇندا رەسپۋبليكاشىلداردىڭ بەيسبول كومانداسى جاتتىعاتىنىن بىلەدى. ءبىزدىڭ ول جەردە وينايتىنىمىز قۇپيا ەمەس» دەدى برۋكس.

كۋاگەرلەردىڭ الەۋمەتتىك جەلىگە جازعانى بويىنشا، وقيعا ورنىنا كەلگەن پوليسيا وكىلدەرىنىڭ قاراسى قالىڭ.  

شولۋشى: اسەم المۇحانبەت