جۇمىس، ءۇي، جۇمىس، ءۇي... ءسىز دە كوز الدىڭىزعا ءوزىڭىزدى ەلەستەتتىڭىز بە؟ ءيا، ادام بالاسى تابىسقا جەتۋ جولىندا ءوز-وزىن قۇربان ەتۋگە دايار. ءتىپتى، كۇن دەمەي، ءتۇن دەمەي جۇمىس ىستەي بەرۋگە قاۋقارى جەتكىلىكتى دەپ ويلايدى، سەبەبى ول جاس قوي. سولاي ويلاۋى زاڭدى دا. الايدا ۇيقىسىز وتكەن تۇندەر مەن دەمالىسسىز وتكەن كۇندەردىڭ كەسىرىنەن تۋاتىن زارداپ ادامدى اينالىپ وتپەي قويمايدى.وسىعان دا ءمان بەرگەن ءجون.
بۇگىنگى كۇننىڭ ادامى ءومىرىنىڭ جارتىسىنان كوبىن جۇمىسقا ارنايدى، ءدال سول ۋاقىتتا ول جەكە ومىرىمەن قالاي قوش ايتىسقانىن دا بايقاماي قالادى. تۋعان-تۋىستارىنان الشاقتاپ، ءومىرى ماعىناسىز كۇيگە تۇسەدى. ياعني، جۇمىسقا تىم بەرىلۋ – ادام بالاسى ءۇشىن زيان بولعانى.
مۇنداي تۇجىرىمدى اقش عالىمدارى دا دالەلدەگەن. مامانداردىڭ ايتۋىنشا، جۇمىسقا تىم بەرىلەگندىكتەن ادام فيزيولوگيالىق تۇرعىدان دا، مورالدىق تۇرعىدان دا زارداپ شەگەدى.
امەريكالىق سوسيولوگتار بۇگىنگى زاماننىڭ ادامدارىن جۇمىسقا تىم بەرلىگەن دەيدى. الايدا جۇمىستى كىم ءۇشىن ىستەپ جاتقاندارىن ادامداردىڭ وزدەرى دە بىلمەيدى. ءتىپتى، كوبى ءۇشىن جۇمىس «ماڭگى» ۇرەيدىڭ نەگىزى، كۇيزەلىستىڭ، توزعان جۇيكەنىڭ اۆتورى.
«جۇمىستىڭ كەسىرىنەن ادامنىڭ ءتانى دە، جانى دا زارداپ شەگەدى، ءتىپتى زەينەتكە شىققانىنڭ وزىندە ءومىرىنىڭ جارتى ۋاقىتى كەتكەن «ازاپ» كۇندەرى ادامنىڭ ميىن ەش ۋاقىتتا تىنىقتىرمايدى»، دەيدى عالىمدار.
ولاردىڭ سوزىنشە، زاماناۋي ادامدار جاي عانا جۇمىس ىستەپ قويمايدى. بىر-بىرىمەن جارىسىپ، وزىپ شىعۋى ءۇشىن، تابىستى كۇن ءۇشىن وزدەرىن قۇربان ەتەدى. مانسابى ءۇشىن ادام بالاسى بار كۇشىن سارپ ەتەدى، ۋاقىتىن ءولتىرىپ الادى.
«بۇگىنگى كۇننىڭ ادامدارى ءومىر سۇرمەيدى، جۇمىس ىستەيدى. تۋعان-تۋىستارىنان گورى ۋاقىتىنىڭ كوبى جۇمىستاعى ارىپتەستەرىنىڭ جانىندا وتەدى. ول تۋعانداردىڭ اراسىنداعى بايلانىستىڭ ۇزىلۋىنە اكەلىپ سوعادى. سونداي اق، ادام بالاسىنىڭ پسيحيكاسى دا ىشتەن بۇلىنەدى»، دەپ قوستادى زەرتتەۋشىلەر جۇمىسقا بەرىلگەن ادامدار جايىندا.
شولۋشى: گۇلىم جاقان
پىكىر قالدىرۋ