قازكوممەرسبانكتىڭ ءىرى اكسيونەرلەرى حالىق بانكىمەن ساتۋ-ساتىپ الۋ كەلىسىمشارتىنا قول قويدى دەپ حابارلايدى Qamshy.kz

2017 جىلعى 14 ماۋسىم، الماتى – بۇل حابارلامامەن «كازكوممەرسبانك» اق («كازكوممەرسبانك») بۇگىن ك.ح.راقىشيەۆ مىرزا مەن «قازاقستاننىڭ حالىق بانكى» اق («حالىق بانكى») اراسىندا، سونداي-اق «سامۇرىق-قازىنا» ءۇااق» اق-ى («سامۇرىق-قازىنا») مەن حالىق بانكى اراسىندا ساتۋ-ساتىپ الۋ كەلىسىمشارتتارىنا قول قويىلعانى جونىندە حابارلايدى جانە وسى شارتقا سايكەس ك.ح.راقىشيەۆ مىرزا مەن سامۇرىق-قازىنا قورى وزدەرىنە تيەسىلى قازكوممەرسبانكتىڭ اكسيالارى پاكەتىن حالىق بانكىگە ءار پاكەتىن 1 تەڭگەگە ساتاتىن بولدى.  

اتالعان ساتۋ-ساتىپ الۋ كەلىسىمشارتتارىنا قول قويۋ 2017 جىلعى 2 ماۋسىمدا ق ر ۇكىمەتىمەن، ق ر ۇلتتىق بانكپەن، «سامۇرىق-قازىنا» ءۇااق» اق، «پروبلەمالىق كرەديتتەر قورى» اق، حالىق بانكى، «بتا بانك» اق جانە قازكوممەرسبانك پەن ك.ح.راقىشيەۆ مىرزامەن قول قويىلعان شەكتى كەلىسىممەن قاراستىرىلعان. 

وسى مامىلەنىڭ اياقتالۋى الدىن-الا قاراستىرىلعان ءبىرقاتار شارتتاردىڭ ورىندالۋىنا بايلانىستى، ولار: 

•         «پروبلەمالىق كرەديتتەر قورى» اق-نىڭ «بتا بانك» اق-نان جەكەلەگەن اكتيۆتەرى مەن تالاپ ەتۋ قۇقىعىن ساتىپ الۋى؛

•         بتا بانكتىڭ قازكوممەرسبانك الدىنداعى 2،4 ترلن تەڭگە شاماسىندا سسۋدالىق بەرەشەگىن وتەۋى؛

•         ن.س.سۋبحانبەردين مىرزاعا جانە «ورتالىق-ازيا ينۆەستيسيالىق كومپانياسى» اق-نا تيەسىلى قازكوممەرسبانكتىڭ اكسيالار پاكەتىن ك.ح.راقىشيەۆ مىرزانىڭ ساتىپ الۋى جانە كەيىن ولاردى حالىق بانكىگە ساتۋى؛  

•         قازاقستاندا باقىلاۋشى ورگانداردان ستاندارتتى جانە قولدانىلاتىن وزگە دە زاڭدى رۇقساتتاردى الۋى.  

مامىلە جابىلعان سوڭ حالىق بانك 96،8% ۇلەسىمەن قازكوممەرسبانكتىڭ نەگىزگى اكسيونەرى بولادى. 

اتالعان مامىلە 2017 جىل ىشىندە اياقتالادى دەپ كۇتىلۋدە.