الماتى - بىشكەك تاسجولىنىڭ 118ء-شى شاقىرىمىندا بولعان جول اپاتىنان ەكى ادام قازا تاپتى، - دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ.

بۇگىن تۇندە، ساعات شامامەن 1:30-دا Mitsubishi Galant پەن جۇك تيەلگەن كولىك سوعىستى. جەڭىل كولىك ونىڭ استىنا كىرىپ كەتكەن. بەتپە-بەت سوعىسقاننان كەيىن Mitsubishi جولاۋشىسى مەن جۇرگىزۋشىسى وقيعا ورنىندا قازا تاپقان. 

جۇك كولىگىنىڭ جۇرگىزۋشىسى امان قالدى. كەيىن كولىكتەر ورتەنە باستاعان. ءورتتى ءسوندىرۋ مۇمكىن بولماعان. وقيعانىڭ ۆيدەوسى جەلىدە تارالدى. كادرلاردان كۋاگەرلەردىڭ ءورتتى سوندىرمەك بولعانىن كورۋگە بولادى. 

"وسى دەرەك بويىنشا ق ر قىلمىستىق كودەكسىنىڭ 345-بابىنىڭ 4-بولىگى بويىنشا ("كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى") سوتالدى تەرگەۋ باستالدى. قاجەتتى ساراپتامالار تاعايىندالعان قىلمىستىق ءىس وبلىستىق انىقتاۋ باسقارماسىنىڭ وندىرىسىندە"، - دەدى الماتى وبلىستىق ءىىد وكىلدەرى.