كاسىپقوي بوكسشى قانات يسلام الماتى قالاسىنىڭ اكىمى باۋىرجان بايبەككە چەمپيوندىق بەلبەۋىن تارتۋ ەتتى دەپ حابارلايدى قامشى اقپاراتتىق اگەنتتىگى.
"سپورتقا جاناشىرلىعىڭىز بەن جارقىن بولاشاق ءۇشىن جاساپ جۇرگەن ەڭبەگىڭىزگە ريزاشىلىق ءبىلدىرىپ، ىنىلىك كوڭىلمەن سىزگە وسى بەلبەۋدى سىيلايمىن"- دەدى قانات يسلام.
بەلبەۋدە "باۋىرجان بايبەك اعاما قانات يسلامنان ەستەلىك" دەگەن ءسوز قاشالىپ جازىلعان. قالا اكىمى ەكپو-2017 كورمەسى اياسىندا وتەتىن بايراقتى باسەكەدە قانات يسلام جەڭىسكە جەتىپ، قازاق ەلىنە تاعى دا قۋانىش سىيلايتىنىنا سەنىمدى ەكەنىن ايتتى. بۇل تۋرالى بوكسشىنىڭ پيار-مەنەدجەرى بەرىك سۇلتان ءوزىنىڭ Facebook پاراقشاسىندا جازدى.
"ەستەرىڭىزگە سالا كەتەيىك، الماتى قالاسى اكىمدىگى قانات يسلامنىڭ اقش-تا وتكەن جەكپە-جەگىنىڭ باس سەرىكتەسى بولدى. سونداي-اق 2016 جىلى "الماتى ارەنادا" وتكەن ۇمىتىلماس كەرەمەت كەشكە دە الماتى قالاسى اكىمى باۋىرجان بايبەك قولداۋ كورسەتكەن ەدى. جاقىن كۇندەرى "QAZAQ" كومانداسى ب ا ق وكىلدەرى ءۇشىن ارنايى باسپا ءسوز ماسليحاتى ۇيىمداستىرىلادى" دەپ جازدى بەرىك سۇلتان.
ايتا كەتەيىك، قالا اكىمى باۋىرجان بايبەك بەلگىلى بوكسشى قانات يسلامدى قابىلداپ، جەڭىسىمەن قۇتتىقتادى.
شولۋشى: اسەم المۇحانبەت
