قازاقستان رەسپۋبليكاسى مادەنيەت جانە سپورت مينيسترلىگىنىڭ                 تىلدەردى دامىتۋ جانە قوعامدىق-ساياسي جۇمىس كوميتەتى مەملەكەتتىك ءتىل ساياساتىن بۇقارالىق اقپارات قۇرالدارىندا ناسيحاتتالۋ بەلسەندىلىگىن ارتتىرۋ ماقساتىندا جۋرناليستەر كۇنىنە وراي 2017 جىلعى 16 ماۋسىمدا، استانا قالاسى، «قازانات» يپپودرومى اۋماعىندا ورنالاسقان «ەتنواۋىل» ۇلتتىق-مادەني كەشەنىندە  «مەملەكەتتىك ءتىل جانە ب ا ق» اتتى رەسپۋبليكالىق كونكۋرسىنىڭ جەڭىمپازدارىن سالتاناتتى ماراپاتتاۋ ءراسىمىن ۇيىمداستىرىپ وتكىزدى.

    ءىس-شارا  قازاقستان رەسپۋبليكاسى مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان سەرىكقازى ۇلىنىڭ قۇتتىقتاۋ سوزىمەن اشىلدى.

جۋرناليستەر كۇنىنە وراي ۇيىمداستىرىلعان ءىس-شارا «مەملەكەتتىك ءتىل جانە ب ا ق» كونكۋرسىنىڭ جەڭىمپازدارىن ماراپاتتاۋمەن جالعاستى.

رەسپۋبليكالىق كونكۋرسقا ەلىمىزدىڭ وڭىرلەرىنەن 100-دەن اسا ماتەريال كەلىپ ءتۇستى. كونكۋرسقا مەملەكەتتىك ءتىلدىڭ قىزمەت ەتۋ اياسىن كەڭەيتۋ، مارتەبەسىن نىعايتۋ جانە ونىڭ قازىرگى احۋالى تۋرالى وزەكتى ماتەريالدار جاريالاعان جۋرناليستەر قاتىستى.

كونكۋرستا 2016 جىلعى 10 ماۋسىم مەن 2017 جىلعى 5 ماۋسىم ارالىعىندا قازاق جانە ورىس تىلدەرىندە جارىق كورگەن جاريالانىمدار، ەفيردەن وتكەن حابارلار قامتىلدى.

كونكۋرستىڭ ەرەجەسىنە سايكەس كەلىپ تۇسكەن ماتەريالدار «ۇزدىك ماقالا»، «ۇزدىك تەلەباعدارلاما»، «ۇزدىك راديوباعدارلاما»، «ۇزدىك سايت ماقالاسى» نوميناسيالارى بويىنشا 4 باعىتتا باعالاندى.

قونكۋرسقا كەلىپ تۇسكەن ماتەريالداردى ەلىمىزگە بەلگىلى قالامگەر، جۋرناليستەردەن قۇرىلعان ارنايى قازىلار القاسى ساراپتاپ، جەڭىمپازداردى انىقتادى.

    كونكۋرس قورىتىندىسى بويىنشا باس جۇلدەنى وبلىستىق «جەتىسۋ» تەلەارناسىنىڭ رەداكتورى ابىتايەۆا مەرۋەرت مۇراتبەك قىزى يەلەندى. «ۇزدىك ماقالا» نوميناسياسى بويىنشا 1-ورىندى «استانا اقشامى» گازەتىنىڭ ءتىلشىسى راحمانوۆا گۇلجان ورالباي قىزى، 2-ورىندى «ەگەمەن قازاقستان» رەسپۋبليكالىق گازەتىنىڭ شولۋشىسى ومارحانوۆ عالىم ورىنباسار ۇلى،
3-ورىندى پاۆلودار وبلىستىق «سارىارقا سامالى» گازەتىنىڭ ءتىلشىسى نۇرجاينا شودىر جەڭىپ السا، «ۇزدىك سايت ماقالاسى» نوميناسياسى بويىنشا
1-ورىندى «ايقىن» رەسپۋبليكالىق قوعامدىق-ساياسي گازەتى اقپارات جانە سپورت ءبولىمىنىڭ رەداكتورى  بايداۋلەت  قانشايىم ماۋلەن قىزى، 2-ورىندى «قوعامدىق كەلىسىم» رمم باسپا ءسوز قىزمەتىنىڭ جەتەكشى ساراپشىسى الپەيىسوۆا كامال ءابىلقاسىم قىزى، 3-ورىندى «ۇركەر.كز» سايتىنىڭ ءتىلشىسى نۇرلان قۇمار باقداۋلەت ۇلى يەلەندى.

سونداي-اق «ۇزدىك تەلەباعدارلاما» نوميناسياسى بويىنشا
1-ورىندى «قازاقستان-شىمكەنت» تەلەارنا ءجۋرناليسى بايتاسوۆ تورەبەك تورەكەلدى ۇلى، 2-ورىندى «قازاقستان-اتىراۋ» تەلەارنا ءجۋرناليسى سيسەنالييەۆا

شولپان اباتوۆنا، 3-ورىندى «حابار» اگەنتتىگى كەشكى جاڭالىقتار قىزمەتىنىڭ ءتىلشىسى جىلقايداروۆا ينديرا ورىنباي قىزى جەڭىپ السا، «ۇزدىك راديوباعدارلاما» نوميناسياسى بويىنشا «حالىق» راديوسى ءتىلشىسى سىبانجانوۆا راۋشان سەيىتحان قىزى، 2-ورىندى «قازاق» راديوسى ءتىلشىسى جانۇزاقوۆ جانات ءجۇسىپ ۇلى، 3-ورىندى «حالىق» راديوسى ءتىلشىسى قوبجانوۆا گۇلسىم ساعات قىزى يەلەندى.

    بارلىق جەڭىمپازدارعا ديپلومدارمەن قاتار اقشالاي سىيلىقتار بەرىلدى.

    ءداستۇرلى تۇردە جىل سايىن وتكىزىلىپ جۇرگەن بۇل ءىس-شارا مەملەكەتتىك ءتىل ساياساتىن ناسيحاتتاۋ بەلسەندىلىگىن ارتتىرىپ، تيىسىنشە ءتىلىمىزدىڭ دامۋىنا سەپتىگىن تيگىزەتىنى ءسوزسىز.

وسىنداي ايتۋلى كۇندە جۋرناليستەر قاۋىمىن كاسىبي مەرەكەلەرىمەن قۇتتىقتاي وتىرىپ، شىعارماشىلىق تابىس، جاعىمدى جاڭالىقتار مەن شىعارماشىلىق تابىستار تىلەيمىز.