لوندونداعى كوپقاباتتى تۇرعىن ءۇي ورتىنەن قازا تاپقانداردىڭ سانى 70-گە جەتتى. ءاۋ باستا زارداپ شەككەندەر 30-عا جۋىق الايدا بۇل سان تاعى ءوسۋى مۇمكىن دەپ حابارلانعان بولاتىن. بۇل تۋرالى قامشى اقپاراتتىق اگەنتتىگى ريا نوۆوستي-عا سىلتەمە جاساپ حابارلايدى. ازىرگە بۇل اقپارات پوليسيا تاراپىنان رەسمي تۇردە راستالمادى.
ەستەرىڭىزگە سالاي كەتەيىك، 14 ماۋسىمعا قاراعان ءتۇنى ۇلىبريتانيا استاناسىنداعى كوپقاباتتى عيمارات وتقا ورانعان بولاتىن. ءتىلسىز جاۋ كەسىرىنەن ەۆاكۋاسيالانعان 100-دەن استام وتباسى تاياۋداعى قوعامدىق ورتالىقتارعا، مەشىت پەن شىركەۋگە جايعاستىرىلعان. وتتىڭ ناقتى نەدەن تۇتانعانى ازىرگە بەلگىسىز. ەل پرەمەر-مينيسترى قۇزىرلى ورگاندارعا توتەنشە جاعدايعا قاتىستى ءجىتى تەرگەۋ جۇرگىزۋدى بۇيىردى.
شولۋشى: نازەركە مۇسا
