قاراعاندى قالاسىنىڭ مايقۇدىق شاعىن اۋدانىندا جاڭا بالالار الاڭى پايدا بولدى دەپ جازادى 24.kz. بۇل بوكسشى گەنناديي گولوۆكيننىڭ ءوزىنىڭ تۋىپ، وسكەن ءۇيىنىڭ اۋلاسىنا تارتۋى. ەلباسىنىڭ «تۋعان جەر»  باعدارلاماسىنا قولداۋ رەتىندە تۋعان ولكەسىندە ويىن كەشەنىن ورناتقان ايگىلى سپورتشىنىڭ بۇل يگى ءىسى وڭىردەگى وزگە دە كاسىپكەرلەرگە ۇلگى بولدى. ەندى وسىنداي ويىن كەشەندەرىن پريشاحتينسك پەن سورتيروۆكا شاعىن اۋداندارىندا اشۋ كوزدەلگەن. بۇل شاعىن اۋدانداعى ەڭ ۇلكەن ويىن الاڭى.

نينا لەپەحا، مايقۇدىق شاعىن اۋدانىنىڭ تۇرعىنى:  - بۇعان دەيىن ءبىزدىڭ بالالارىمىز باسقا اۋلالارعا بارىپ وينايتىن. ءقازىر بولسا، باسقا اۋلانىڭ بالالارى بىزگە كەلەتىن بولدى. ارينە كەرەمەت، بالالار جازداعى دەمالىس ۋاقىتىندا وسىنداي ادەمى ويىن كەشەنىندە ويناعانعا نە جەتسىن. «تۋعان جەر» باعدارلاماسىنىڭ ارقاسىندا ءالى دە كوپتەگەن يگى ىستەر جۇزەگە اسىرىلادى دەگەن سەنىمدەمىن.