حۋليان ريوس كانتتىڭ جاسى 13-تە بولعاندا، ومىرىندە سۇمدىق جاعداي ورىن العان. ءسۇت بەزى قاتەرلى ىسىگىنە شالدىققان اناسىنىڭ ءومىر ءسۇرۋى ۇزاققا سوزىلمايدى دەگەن سۋىت حابار ەستىگەن. ءجاسوسپىرىم بالا ءوزىن پسيحولگيالىق تۇرعىدان اناسىز ومىرگە دايىنداۋمەن بولدى.

حۋلياننىڭ اناسى ەرتەرەك دارىگەرگە قارالعاندا، ەمنىڭ الدىن الۋعا بولاتىن ەدى. الايدا ۋاقىتتى وتكىزىپ العاندىقتان اۋرۋى دا اسقىنىپ كەتكەن. سونىڭ سالدارىنان دارىگەرلەر اناسىنىڭ كەۋدەسىن امپۋتاسيالايدى. الايدا ءبىر عاجاپپەن اتالمىش ءادىس ايەلدىڭ ءومىرىن قۇتقارىپ قالادى.

اناسى ومىرىنە تونگەن قاتەردەن قۇتىلعاندا حۋليان ونى قۇتقارعان جاندار ءۇشىن ەرەكشە توسىن سىي جاساعىسى كەلدى. ونىڭ ماقساتى – اناسى سەكىلدى اۋرۋعا شالدىققان وزگە دە ايەلدەردىڭ ءومىرىن قۇتقارۋ.

ءسويتىپ 13 جاستاعى بالا ىسكە كىرىسىپ كەتتى. العاشىندا ءسۇت بەزى قاتەرلى ىسىگى جايىندا تۇگەلدەي زەرتتەپ ءبىلدى. اۋرۋدىڭ الدىن الۋدىڭ، سونداي-اق اۋىرعان جانداردىڭ ەمدەۋدىڭ جولدارىن ىزدەدى. 17 جاسىندا ءوزىنىڭ جەكە Higia Technologies كوماپنياسىن قۇردى. ونىڭ ماقساتى – ءسۇت بەزى قاتەرل ىسىگىنە شالدىققان ايەلدەردى ەمدەپ جازۋ ءۇشىن قاراپايىم ءادىس ويلاپ تابى بولدى.

ونىڭ كومپانياسى ءتۇرلى تەحنولوگيالىق ادىستەردى جاساپ شىعاردى، ءسويتىپ 200 قۇرىلعى ورناتىلعان كەۋدەشە ويلاپ تاپتى. ول قۇرىلعىلار ايەلدىڭ كەۋدەسىندەگى وزگەرىستى انىقتاپ، ءارى باقىلاپ تۇرۋعا ارنالعان. كوپ ۇزاماي اتالمىش كەۋدەشە دارىگەرلەرگە تاپسىرىلدى. دارىگرەلەر ەندىگى جولى ايەلدەردىڭ كەۋدەسىندە بولىپ جاتقان وزگەرىستەردەن حاباردار بولىپ تۇراتىن بولدى. حۋليان ويلاپ تاپقان ادىسىنە ريزا بولدى.

قۇرىلعىنىڭ مىندەتى قاراپايىم بولعانىمەن، اقىلمەن ويلاپ تاپقان دۇنيە. ءسۇت بەزىنىڭ قاتەرل ىسىگى ۇلپالاردىڭ قان اينالىمىن ارتتىرادى، سونىڭ سالدارىنان تەمپەراتۋرا جوعارىلايدى. ال كەۋدەشە تەمپەراتۋرانى ءبىر قالىپتا ۇستاپ، ايەلد ادامنىڭ بويىندا قانداي دا ءبىر ءقاۋىپ ورناسا، بىردەن بەلگى بەرەدى. ءسويتىپ اۋرۋعا شالدىققان ايەل دەر كەزىندە ەم قابىلدايدى. قۇرىلعى ساراپتامادان ءوتىپ، ناتيجەسى وڭ بولعان.

حۋليان ويلاپ تاپقان قۇرىلعىسى ءۇشىن مەكسيكا پرەزيدەنتىنەن ماراپاتتاس قاعازىن العان. كەۋدەشە ءالى كۇنگە دەيىن سىناق بولەمسىندە جاتىر. ءبىراق تولىق تەكسەرۋدەن وتكەن سوڭ، الەم بويىنشا پايدالانۋعا بەرىلەتىنىنە حۋليان سەنىمدى.

ونىڭ جاسى بۇگىندە نەبارى 18-دە، جاس ونەرتاپقىش ميلليونداعان ادامنىڭ ءومىرىن قۇتقاراتىن ءادىس ويلاپ تاپتى. اناسىنىڭ اۋرۋىمەن كۇرەسۋ بالاعا ومىرلىك ساباق بولدى جانە سول ساباق ونى جەتىستىككە جەتەلەدى.

شولۋشى: سابينا رامازان