الماتىدا الەمگە تانىمال كاسكادەرلەر ات ويناتىپ، قالىڭ جۇرتتى تاڭ قالدىرادى، دەپ جازادى Qamshy.kz. اتالعان شارا قازاقستان رەسپۋبليكاسىنىڭ ۇلتتىق قىزىل جارتى اي قوعامىنىڭ قولداۋىمەن وتەدى.

Nomad Stunts كومانداسى الماتىدا ACTION FOR RED شوۋى 9 شىلدەدە ساعات 11-دە الماتى يپپودرومىندا وتەدى. شوۋدىڭ بيلەتتەرىنىڭ باعاسى 100 تەڭگەدەن. 7 جاسقا دەيىنگى بالالار تەگىن كىرە الادى. شارادا جينالعان قارجى قازاقستان رەسپۋبليكاسىنىڭ ۇلتتىق قىزىل جارتى اي قوعامى جۇمىستارىن قولداۋعا جۇمسالادى.
بۇعان دەيىن  Nomad Stunts  كاسكادەرلارى «The Expendables 2»، «ۆيكينگ»، «دنيەۆنوي دوزور»، «47 رونينوۆ»، «كوشپەندىلەر»، «شال»، «اناعا اپارار جول»، «مونعول»، «كونان-ۆارۆار» فيلمدەرىندە،  «ماركو پولو»، «ەرتۇعىرىل» جانە باسقا دا تاريحي تەلەحيكايالارعا قاتىسقان.

ايتا كەتسەك، قازاقستان كاسكادەرلەرىنىڭ تۇسىرىلىمدەرى ادامداردىڭ ءومىرىن ساقتاۋعا كومەكتەسەدى. 2016 جىلى ولار «دونور بول – ءومىردى ساقتاپ قال» اكسياسىنا قاتىسىپ، قان تاپسىرعان ەدى.
2016 جىلى جەلتوقساندا قازاقستان رەسپۋبليكاسىنىڭ ەڭبەك سىڭىرگەن قايراتكەرى، تريۋكتەردى قويۋشى، «نوماد» كاسكادەرلەر توبىنىڭ جەتەكشىسى جايداربەك كۇنعوجينوۆتىڭ كومانداسى قازاقستان رەسپۋبليكاسىنىڭ ۇلتتىق قىزىل جارتى اي قوعامىندا العاشقى مەديسينالىق كومەك كورسەتۋ ءتالىمىن الىپ، حالىقارالىق سەرتيفيكاتقا يە بولعان.

قازاقستان رەسپۋبليكاسىنىڭ ۇلتتىق قىزىل جارتى اي قوعامى قىزىل كرەست جانە قىزىل جارتى اي حالىقارالىق قوزعالىسىنىڭ گۋمانيزم، باۋىرمالدىق جانە اقىسىز كومەك يدەيالارى مەن پرينسيپتەرىن قازاقستان قوعامىندا ورنىقتىرۋعا كۇش سالاتىن ىزگىلىكتى قوعام. الەمنىڭ 189 ەلىنەن 500 ميلليوننان استام مۇشەسى بار.