ۇلى ويشىل، فولكلورتانۋشى، ەتنوگراف، تاريحشى، فيلوسوف، قازاق مادەنيەتى مەن ادەبيەتىنىڭ بەلگىلى تۇلعاسى ءماشھۇر ءجۇسىپ كوپەيۇلىنا ارنالعان ەسكەرتكىش قالاعا كىرەبەرىستەگى اقىننىڭ ەسىمىمەن اتالاتىن كوشەدە ورناتىلدى، دەپ حابارلايدى Qamshy.kz اقپاراتتىق اگەنتتىگى pavlodarnews.kz اقپاراتىنا سۇيەنىپ.
ەسكەرتكىشتىڭ اشىلۋى شاھاردىڭ 60 جىلدىق مەرەيتويىنا ورايلاستىرىلعان. قولادان قۇيىلعان مونۋمەنتتىڭ بيىكتىگى تۇعىرىمەن بىرگە التى مەتردەن اسادى. مۇسىنشىلەر جاۋباسار مەن جارىلعاسىن يعلانبەك ۇلى بۇل جۇمىسقا ءبىر جىلداي ۋاقىت جۇمساعان. - ىسكە كىرىسپەن بۇرىن ءبىز ءماشھۇر ءجۇسىپتىڭ ءومىرىن تەرەڭنەن زەرتتەدىك، - دەيدى جاۋباسار يعلانبەك ۇلى. – ول وتە جان-جاقتى ادام بولعان. فيلوسوفيا، زەرتتەۋ، پوەزيا شەبەرلىگىن مەڭگەرگەن.
ەسكەرتكىشتىڭ اشىلۋى شاھاردىڭ 60 جىلدىق مەرەيتويىنا ورايلاستىرىلعان.
قولادان قۇيىلعان مونۋمەنتتىڭ بيىكتىگى تۇعىرىمەن بىرگە التى مەتردەن اسادى. مۇسىنشىلەر جاۋباسار مەن جارىلعاسىن يعلانبەك ۇلى بۇل جۇمىسقا ءبىر جىلداي ۋاقىت جۇمساعان.
- ىسكە كىرىسپەن بۇرىن ءبىز ءماشھۇر ءجۇسىپتىڭ ءومىرىن تەرەڭنەن زەرتتەدىك، - دەيدى جاۋباسار يعلانبەك ۇلى. – ول وتە جان-جاقتى ادام بولعان. فيلوسوفيا، زەرتتەۋ، پوەزيا شەبەرلىگىن مەڭگەرگەن.
ءوڭىر باسشىسى بۇگىنگى ۇرپاقتىڭ باي مۇرا قالدىرعان ۇلى تۇلعانى قۇرمەت تۇتۋى كەرەك ەكەنىن اتاپ ءوتتى.
- وتكەنى جوقتىڭ بولاشاعى بولمايدى، - دەدى بولات باقاۋوۆ. - قازاقتاردىڭ توقشىلىقتا ءومىر سۇرەتىنىن ءماشھۇر ءجۇسىپ كوپەي ۇلى ايتىپ كەتكەن. بۇگىندە ءبىز شىنىمەن دە مولشىلىقتا ءومىر سۇرۋدەمىز.
ەسكەرتكىشتىڭ اشىلۋ سالتاناتىنا ءماشھۇر ءجۇسىپ كوپەي ۇلىنىڭ نەمەرەسى زاراۋحا شاراپييەۆا قاتىستى. پاۆلودار وبلىسىنىڭ اكىمى بولات باقاۋوۆپەن بىرگە مونۋمەنتتىڭ بەتىندەگى ماتانى قازاقتىڭ ۇلى زەرتتەۋشىسىنىڭ شوبەرەسى اباي شاراپييەۆ اشتى.
- مەنىڭ اتا-انام ءماشھۇر ءجۇسىپ اتامنىڭ تالاپ قويا بىلەتىن ادام بولعانىن ايتاتىن، - دەيدى اباي شاراپييەۆ. – ول ەڭبەك ەتكەن قاراپايىم ادامداردى قاتتى سىيلاعان. باياناۋىلدا ونىڭ ۇستالىقپەن اينالىسقان دوستارى وتە كوپ بولعان. ولاردىڭ تورىندە مەنىڭ اتام ءاردايىم قوناق رەتىندە قۇرمەتكە بولەنگەن.
شارا بارىسىندا مەكتەپ وقۋشىلارى ءماشھۇر ءجۇسىپ كوپەي ۇلىنىڭ بىرنەشە شىعارماسىن ورىنداپ، سوڭىنان ەسكەرتكىشكە گۇل شوقتارى قويىلدى.
سۋرەتتەر وبلىس اكىمىنىڭ باسپا ءسوز قىزمەتىنەن الىندى
