ادامدار كوبىنەسە ارىقتاۋ ماقساتىندا تاماقتانۋدان باس تارتاتىن ەدى. كەيبىرى اۋرۋى اسقىنعان كەزدە ارنايى ديەتا ۇستاپ، ەمدەلۋگە تىرىسادى. الايدا تاماققا تاۋەلدى بولعىسى كەلمەيتىن وتباسى دا بار ەكەن.

كاليفورنيا مەن ەكۆادوردىڭ ارالىعىن مەكەن ەتكەن وتباسى وزدەرىن تاماققا تاۋەلدى ەمەس ەكەنىن ايتقان. 34 جاستاعى اكاحي ريكاردا مەن 34 جاستاعى كاميلا كاستەللونىڭ ايتۋى بويىنشا، ولار كۇننىڭ ەنەرگياسىمەن تاماقتانادى ەكەن. ولار اپتاسىنا 3 رەت قانا تاماقتانادى. سيرەك تاماقتانۋ ولاردىڭ ومىردەگى باستى قاعيداسى.

كاميلا 2 بالانىڭ اناسى، ءتىپتى اياعى اۋىر كەزدە دە اتالعان قاعيدادان باس تارتپاعان. ول تۇڭعىشىنا اياعى اۋىر بولعان كەزدە 9 ايدىڭ ىشىندە 5 رەت قانا تاماقتانعان. ونىڭ  ايتۋى بويىنشا، سول كەزدە ونىڭ بالاسى ءوزىنىڭ ماحابباتىمەن قورەكتەنگەن ەكەن. ونىمەن بىرگە ول دۇرىس دەم الۋ جاتتىعۋلارىن ىستەۋ ارقىلى بالاسىن امان-ساۋ دۇنيەگە اكەلگەن.

كاميلا وسىدان ءبىراز جىل بۇرىن كۇيەۋى ەكەۋىنىڭ مۇلدەم تاماق جەمەگەن كۇندەرىن ەسكە الىپ، سول ۋاقىتتا وتە باقىتتى بولعانىن ايتادى.

«3 جىلداي ۋاقىت اكاحي ەكەۋمىز ەشتەڭە جەمەدىك. ال قازىرگى كەزدە سيرەك تاماقتانامىز. كەيدە مەن جەمىس-جيدەك جەگىم كەلەدى. سول ۋاقىتتا وتباسىمىزبەن بىرگە جەمىس-جيدەك نەمەسە باسقا دا جەڭىل تاعام تۇرىمەن تاماقتانامىز. ايتپاقشى، جۇكتىلىك كەزىندەگى تەكسەرىس ناتيجەلەرى وتە كەرەمەت بولدى، مەن دەنى ساۋ بالالاردى دۇنيەگە اكەلدىم»،- دەپ قۋانىشىمەن ءبولىستى.

ولار العاشىندا تەك كوكونىسپەن عانا تاماقتانسا، قازىرگى كەزدە تاماقتى شيكىلەي جەيدى ەكەن. جاس جۇبايلاردىڭ ايتۋىنا قاراعاندا، ولار اشتىق سەزىمنىڭ نە ەكەنىن بىلمەيتىن كورىنەدى. ولاردىڭ تاجىريبەسىنە سۇيەنەتىن بولساق، تاماقتى قانشالىقتى كوپ جەسەڭ، سونشالىقتى ءجيى قارنىڭ اشادى، جانە كەرىسىنشە.  قازىرگى كەزدە بۇل وتباسى تاماققا اسا كوپ قاراجات جۇمسامايدى. ونىڭ ورنىنا ولار ءجيى ساياحاتتايدى، ءبىلىم الادى. 

اۋدارعان: اسەل وتەشوۆا