«ەكسپو-2017» ىسكەرلىك باعدارلاماسىنىڭ اياسىندا 19-20 ماۋسىم WSEC-2017 ينجەنەرلەر مەن عالىمداردىڭ دۇنيەجۇزىلىك كونگرەسى وتكىزىلەدى. كونگرەسكە الەمنىڭ 51 ەلىنەن 1000-نان استام قاتىسۋشىلار، ونىڭ ىشىندە 300 شەتەلدىك عالىمدار مەن ينجەنەرلەر WSEC-2017 جۇمىسىنا قاتىسادى.

ولاردىڭ ىشىندە نوبەل سىيلىعىنىڭ ءتورت لاۋرەاتى، "جاھاندىق ەنەرگيا" حالىقارالىق سىيلىعىنىڭ سەگىز لاۋرەاتى، تانىمال قازاقستاندىق جانە شەتەلدىك عالىمدار، ەكولوگتار، ساراپشىلار، ءباا قورشاعان ورتانى قورعاۋ ءمينيسترى، سان-پاۋلۋ شتاتىنىڭ ەنەرگەتيكا جانە تاۋ-كەن ءوندىرۋ ونەركاسىپ ءمينيسترى، برازيليا فەدەراتيۆتىك رەسپۋبليكاسى، جەتەكشى عالىمدار مەن بەلگىلى ساراپشىلار، الەمنىڭ ءىرى ەنەرگەتيكالىق كومپانيالاردىڭ باسشىلارى بار.

سولاردىڭ ءبىرى كۋبا مەملەكەتتىك كەڭەسىنىڭ عىلىم بويىنشا كەڭەسشىسى، كۋبا عىلىم اكادەمياسىنىڭ ۆيسە-پرەزيدەنتى فيدەل كاسترو دياس-بالارت ءقازىردىڭ وزىنەن كونگرەسس جۇمىسىنا ۇلكەن سەنىم ارتادى.

«WSEC جوعارى تەحنولوگيالىق ەنەرگەتيكالىق سالاداەڭ ۇزدىك جەتىستىكتەر مەن زاماناۋي ترەندتەردى تالقىلاۋ، پىكىر الماسۋ الاڭى بولارى ءسوزسىز. دۇنيەتانىم كوكجيەگىن ارتتىرىپ، عالىمدار مەن ينجەنەرلەردىڭ ەڭبەگىن ەسەلەۋ باعىتىندا وتكىزىلىپ وتىرعان كونگرەسستە ءوز ويىمدى ءبىلدىرۋىم مەن ءۇشىن ۇلكەن مارتەبە بولىپ تابىلادى»، - دەيدى فيدەل كاسترو دياس-بالارت.

 كونگرەسستىڭ ۇيىمداستىرۋشىلار كوميتەتى، سەكسيا مودەراتورى، پروفەسسور، فيزيكو-ماتەماتيكا عىلىمدارىنىڭ دوكتورى، «ق ر يادەرلىق ۇلتتىق ورتالىعىنىڭ» ديرەكتورى باتىربەكوۆ ەرلان گادلەت ۇلىنىڭ پىكىرىنشە اتوم، اسىرەسە تەرمويادەرلىق ەنەرگەتيكا الەمدىك ەكونوميكا دەكاربونيزاسياسى ماسەلەسىنىڭ شەشىلۋىنە ايتارلىقتاي ۇلەس قوسادى. مۇنداي دامۋ، ادەتتە، زاماناۋي تەحنولوگيالاردى ەندىرۋ ەسەبىنەن جۇزەگە اسىرىلۋى ءتيىس. ەڭ باستىسى، ادامزات پەن قورشاعان ورتا ءۇشىن مەيلىنشە ءقاۋىپسىز جانە ەلەكترقۋاتىن قندىرۋدە ءوندىرىس قۇنىنىڭ باسەكەگە قابىلەتتى بولۋى.    

«قازاقستان مۇناي ءوندىرىسى بويىنشا جوعارعى دەڭگەيى ءالى الدا تۇرعان بىرەن-ساران مەملەكەت قاتارىندا»، - دەيدى ۇزاقباي سۇلەيمن ۇلى قارابالين. بۇل سالاداعى قازاقستان دامۋ قارقىنى ۇزاقمەرزىمدى الەمدىك ترەندتەرگە نەگىزدەلگەن. جالپى ەنەگەتيكا مەن ءبىرقاتار ماڭىزدى تەندەنسيالاردى اتار ەدىم. ءبىرى – كومىرسۋتەككە دەگەن سۇرانىس ەسەلەي تۇسەدى. ەكىنشىسى – ءداستۇرلى ەنەرگوتاسىمالداعىشتار وزدەرىنىڭ جوعارعى باسەكەگە قابىلەتتىلىگىن ساقتالا قالا بەرمەك»، - ۇزاقباي قاراباللين.

WSEC-2017 ينجەنەرلەر مەن عالىمداردىڭ دۇنيەجۇزىلىك كونگرەسى قازاقستاندا عانا ەمەس، سونداي-اق ورتالىق ازيا بويىنشا العاشقى رەت وتەتىنىن ەسكە سالامىز.

تاقىرىبى: «بولاشاقتىڭ ەنەرگياسى: يننوۆاسيالىق سەنارييلەر جانە ولاردى جۇزەگە اسىرۋ ادىستەرى». ونى 20-دان استام بەدەلدى حالىقارالىق ەنەرگەتيكالىق ۇيىمدار قولدادى.