بريتانيا ەلىندەگى 31 جاستاعى ايەل ءوز كوڭىلدەسىنەن بالا تاپقان. قازىرگى زاماندا بۇل دا جاڭالىق پا دەرسىز؟! الايدا ونىڭ كوڭىلدەسى 17 جاستاعى ءجاسوپىرىم ەكەن. الەمدە وسىنداي سوراقىلىقتار ورىن الۋدا. اتالعان سۇمدىق وقيعاعا ۇقساس جاعدايلار باتىس ەلدەرىندە كوبەيىپ جاتىر.  بۇل قوعامعا اسەرىن تيگىزەتىن وتە ءقاۋىپتى جاعداي.

دجەك پەن كەترين عالامتور ارقىلى تانىسقان. كەتريننىڭ ايتۋى بويىنشا،  دجەك ءوزىنىڭ اكە بولعانىنا باقىتتى ەكەن. جىگىت بولاشاق ايەلىنىڭ وزىنەن 2 ەسە ۇلكەن ەكەنىنە ەش قىسىلمايتىن كورىنەدى. ءتىپتى ول كەتريندى ءوزى بوساندىرىپ العان.

ولار العاش رەت تانىسقان كەزدە دجەك 16 جاستا بولعان. سوسىن 7 ايدان كەيىن كەتريننىڭ اياعى اۋىر ەكەنى بەلگىلى بولىپ، قارىم-قاتىناستارى ودان سايىن نىعايا تۇسكەن.

سونىمەن بىرگە كەتريننىڭ 13 جاستاعى جانە 5 جاستاعى ەكى بالاسى بار ەكەن. ولار ءقازىر بارلىعى بىرگە ءبىر ۇيدە تۇرىپ جاتىر. ال دجەك بولسا ءوز سۇيىكتىسىنىڭ قاسىندا بولۋى ءۇشىن مەكتەپتەن شىعىپ كەتكەن.

كەتريننىڭ تولعاعى اياق استىنان كەلىپتى. دارىگەرلەر ۇيگە كەلىپ ۇلگەرمەگەندىكتەن، دجەككە تەلەفون ارقىلى نە ىستەۋ  كەرەكتىگىن ايتىپ وتىرعان. دجەك دارىگەردىڭ ايتقانىن ورىنداپ ايەلىن ءوز قولىمەن بوساندىرىپتى. كەترين جاتىن بولمەدە بوسانعان ەكەن. ءقازىر دجەك ءوز ارەكەتىن ماقتان تۇتادى. 

اۋدارعان: سابينا رامازان