44 جاستاعى كريستەن ۋيليامس ءبىراز جىلدار بويى بالا اسىراپ العىسى كەلىپ جۇرگەن. ول اقش ەلىنىڭ وگايو شتاتىندا تۇرادى. ءمۇعالىم بولىپ قىزمەت ەتەتىن ايەلگە انا بولۋ باقىتى بۇيىرماپتى. ول بالا اسىراپ العىسى كەلىپ شەتەلدى ارالاعان. ءبىر كەزدە ول ءۇندىستان ەلىنە بارادى. سول جەردە مۋنني اتتى قىزدى كەزدەستىرەدى. كىشكەنتاي قىز ءومىردىڭ بار ازابىن تارتقانعا ۇقسايدى. ونى اناسى قوقىس سەكىلدى دالاعا تاستاپ كەتكەن. كريستەن مۋننيمەن العاش كەزدەسكەن كۇندى ەشقاشان ۇمىتپايدى. سول كۇنى ءمۋننيدىڭ بەتىندە كوپتەگەن تىرتىق بولعان. مۋنني 5 جاستا بولسا دا ومىردە كوپ قيىندىق كورگەندىكتەن وتە اشۋشاڭ، قىرسىق بولدى. العاش كەزدەسكەن ساتتە ونىڭ ماڭدايىندا ۇلكەن تىرتىق بولىپتى. مۋنني وزگەلەرگە ۇسقىنسىز قىز سەكىلدى كورىنگەنىمەن، كريستەن ونىڭ كوزىندەگى مۇڭ مەن وزگەلەرگە ۇقسامايتىن ەرەكشەلىكتى بايقادى.

كريستەن 2 جىلدىڭ ىشىندە قۇجاتتاردىڭ بارلىعىن رەتتەستىرىپ، ءمۋننيدى وزىمەن بىرگە الىپ كەتتى. ءبىراق ۋاقىتتان كەيىن ولار بىر-بىرىنە ۇيرەنىسىپ، ءبىر-بىرىن جاقىن تارتا باستادى ءبىر كەزدە ءۇندىستاننان تاستاندى بالالار ءۇيىنىڭ قىزمەتكەرلەرى حابارلاسادى. ولار ءمۋننيدىڭ ءسىڭىلىسى رەتىندە تاعى ءبىر قىزدى اسىراپ الۋىن وتىنەدى. مۋنني ءوز بولاشاق ءسىڭلىسىنىڭ سۋرەتىن كورگەن كەزدە قاتتى قۋانىپتى. سول كەزدە كريستەن ەرىكسىز جىلاپ، كۇتپەگەن جەردەن شەشىم قابىلدايدى. كريستەننىڭ 2-رەت اسىراپ العان قىزىنىڭ ەسىمى دۋرگي.

دۋرگيدىڭ اناسى ءوز قىزىن ءسابي كەزىندە قوقىسقا تاستاعان. سول كەزدە ونىڭ مۇرنىن جىرتقىش جانۋارلار جەپ كەتىپتى. سول كەزدەن كەيىن ول تاستاندى بالالار ۇيىندە بولعان. وعان وپەراسيا جاساپ، كومەك كورسەتۋدى ەشكىم ويلاماعانعا ۇقسايدى. كەيىن ءمۋننيدى اسىراپ العان كريستەن تۋرالى ەستىگىن بالالار ءۇيىنىڭ قىزمەتكەرى وعان ءوتىنىش جاساعىسى كەلگەن.

«وسىنداي سۇمدىق وقيعالار ءۇندىستان ەلى ءۇشىن قالىپتى جاعدايعا اينالعان»، - دەيدى كريستەن. ءبىراز ۋاقىتتان كەيىن دۋرگيگە پلاستيكالىق وپەراسيا جاساپ، مۇرنىن قالپىنا كەلتىرەدى.  ءقازىر كريستەن باقىتتى ەكەنىن ايتادى. ول دۋرگي مەن ءمۋننيدى ءوزىنىڭ تۋعان قىزىنداي كورەدى.  قىزدار دا ءوز اناسىنان كورمەگەن ماحابباتتى بوتەن ايەل ارقىلى سەزىنگەنى ءۇشىن قۋانىشتى. 

اۋدارعان. اسەل وتەشوۆا