دەمالىسقا تەڭىزگە بارعان وتباسى قايعىلى جاعدايعا ۇشىراعان. 4 جاستاعى ۇلدارى  فرەنكي تەڭىزدە ءجۇزىپ جۇرگەن. سول ۋاقىتتا ونى تولقىن  باسىپ كەتىپ ول ءوزىن ناشار سەزىنىپ، ءبىرتۇرلى كۇي كەشكەن. اسقازانى اۋىرعان سياقتانعان. ودان كەيىن ارادا ءبىر اپتا ۋاقىت وتكەندە مۇلدەم تىنىس الا الماي قالعان. جەدەل جاردەم شاقىرعان اكەسىنە دارىگەرلەر تىم كەش ەكەنىن ايتقان. دارىگەرلەر بالانىڭ سۋعا تۇنشىعىپ قالعانىن جەتىزگەن.

جالپى سۋعا باتىپ تۇنشىعىپ قالعان ادام كوگەرىپ نەمەسە بوزارىپ كەتەدى. سۋعا باتىپ تۇنشىعۋدىڭ ەكى ءتۇرى دە اسا ءقاۋىپتى. فرەنكي بوزارعان تۇنشىعۋدان  كوز جۇمعان. سۋعا تۇنشىعۋدىڭ بوزارعان تۇرىندە سۋ مۇرىن مەن اۋىزعا كىرەدى. ادامنىڭ داۋىس جەلبەزەگى تارتىلىپ ءتۇيىلىپ قالادى دا سۋ سىرتقا شىقپاي قالادى. وسىدان ادام تۇنشىعادى.  سۋ وكپەگە كىرمەيدى. اۋىز بەن مۇرىن ارقىلى كىرىپ بۇلشىقەتتەر تارتىلىپ قالادى. ال سۋعا باتىپ تۇنشىعۋدىڭ قالىپتى جاعدايىندا ادامنىڭ وكپەسىنە سۋ كىرەدى دە وكپە قابىنادى. ال بوزارىپ تۇنشىققان ادام بوپ-بوز بولىپ كەتەدى جانە ونىڭ جاعدايى ۋاقىت وتە كەلە ناشارلايدى.

سۋعا تۇنشىعىپ قالعان ادامنىڭ بەلگىلەرى مىناداي بولادى:

-كوزدەرى جۇمۋلى نەمەسە ءبىر نۇكتەگە قادالىپ قالعان؛

-باسى ارتقا شالقايعان؛

-اۋزى سۋ دەڭگەيىنەن جوعارى نەمەسە تومەن

سۋعا تۇنشىققان كەزدە ادامنىڭ تىنىسى تارىلادى، تەز-تەز تىنىس الا باستايدى.

قايعىلى جاعدايعا ۇشىراعان فرەنكيدىڭ اكەسى: «مەنىڭ باسىمنان وتكەن جاعداي تۋرالى باسقالاردىڭ دا بىلگەنىن قالايمىن. وزگەلەر مۇنداي قاتەلىك جىبەرمەۋى ءتيىس. بالام مەنىڭ دوسىم، جانىم ەدى. بۇلاي بولاتىنىن بىلگەن جوقپىن. باستاپقىدا بارلىعى دۇرىس سياقتى ەدى»-دەيدى ول. ول وزگە ادامدارعا بالالارىنا دۇرىستاپ باس-كوز بولۋعا، سۋعا باتىپ تۇنشىعۋدى  بولدىرماس ءۇشىن بالالارىنا كوڭىل بولۋگە شاقىردى.

شولۋشى: سابينا رامازان