«نان ۇلكەن بە، قۇران ۇلكەن بە؟» دەگەن شايتاني سۇراق ەل كەزىپ ءجۇر. سوراقىسى سول 70 جاستان اسقان يمام كىسىنىڭ نان ۇلكەن دەگەنىن ءوز قۇلاعىممەن ەستىدىم» دەگەن ساۋالعا muslim.kz  جاۋاپ بەردى. بۇل تۋرالى تولىعىراق قامشى اقپاراتتىق اگەنتتىگى جازادى.  

قاسيەتتى قۇران ­­– بۇكىل الەمدى جوقتان بار ەتۋشى، ونى اسەم تۇردە شەبەرلىكپەن جاراتقان اللا تاعالانىڭ پەندەلەرگە جىبەرگەن تەڭدەسىز قازىناسى، باعا جەتپەس اسىلى، تاۋسىلماس بايلىعى. وعان ەش نارسەنى سالىستىرۋعا كەلمەيدى. ونىڭ قانشالىقتى قىمبات دۇنيە ەكەندىگىن اللا تاعالا مىنا سوزدەرىمەن-اق بىلدىرەدى: «ەگەر وسى قۇراندى ءبىر تاۋعا تۇسىرسەك، اللادان قورىققاندىعىنان ۇرەيلەنىپ، بىت-شىت بولعانىن كورەر ەدىڭ. بۇل مىسالداردى ادام بالاسى ويلانسىن دەپ كەلتىرەمىز».

سوندىقتان، «قۇران ناننان تومەن!» دەۋ قاتەلىك. سەبەبى، قۇران ەش نارسەگە سالىستىرۋعا كەلمەيدى.

دەگەنمەن وسى ءسوزدى ايتقان اقساقالدىڭ نيەتى "قۇراندى تومەن ءتۇسۋرۋ" بولماسا كەرەك. سەبەبى ەش ءبىر مۇسىلمان اسىرەسە يمام كىسى قۇراندى ەش نارسەدەن تومەن كورمەيدى. ول كىسىنىڭ الگى ءسوزىن "شايتاني سەنىم" دەگەننەن گورى، سوزدە كەتكەن قاتەلىك دەپ تۇسىنگەنىمىز ءجون. "سۇرىنبەيتىن تۇياق، جاڭىلمايتىن جاق" بولمايدى عوي.

شولۋشى: ايگەرىم تاۋباي