اتتانىپ ساپارىنا جەڭىلدىكتىڭ،
اسىلىپ يمانىنا جەڭىل جۇكتىڭ.
اللاعا تاۋەكەل دەپ شىققان جولدا،
شىنايى بەرەكەلى سەنىمدى ۇقتىم.

التى قارىس الدا ەدى كوكىرەكتىك،
بارلىعىن جيناپ الىپ كەپىل ەتتىك.
قينالعاندا كورىپ قاپ سابىرلىقتىڭ،
كەمەسىنە مىنگەسىپ ەسىپ وتتىك.

ىزگىلىككە ۇزدىگىپ ساعىم ارتتى،
ق ۇلىنىڭ ءتىلىن اللا قابىل اپتى.
دامىندە بىلمەۋشى ەدىك ءشول قىسقاندا،
ءبىر ۇرتتام قارا سۋدىڭ ءقادىرى ارتتى.

جانىمدى جالماعان ەد(ءى) جالعان باسقۇر،
قالايشا بۇل ريزىققا تاڭدانباس قۇل،
مەكەندەگەن كوزبەنەن اۋىزعا كەپ،
تىيىلدى ءناپسى دەگەن ارلان قاسقىر.

كۇدىكتىڭ بولعان ەدى مىسى باسىم،
ارىلىپ قاۋوسەتتەن سىتىلاسىڭ.
اللاعا مىڭ ءبىر شۇكىر شىرعالاڭدا،
تەجەدىك وي مەن ءسوزدىڭ سىپىراسىن.

ءبىتتى-اۋ دەپ ءبىر اي شىركىن، قۇتىراسىڭ،
ءبىر ايدا ادال بولعان بۇكىل اسىم.
قۇتىرمايىق نەمەسە بالەكەتتىڭ،
ارباۋىنا قايتادان تۇتىلاسىڭ.

تالپىنايىق تاۋفيقتى سۇراماققا،
بەرگەن اللا ءومىردى سىناماققا.
جەلدەي ۇيتقىپ جەڭىلدىك ءوتىپ باراد(ى)،
قالدىعوي جاماعاتىم ءبىر-اق اپتا.

اۆتورى: ايان تەمىربەك ۇلى