Atlas global اۋەجايىنان ىستامبۇلدان تبيليسيگە بەت العان ۇشاقتى نايزاعاي سوقتى. سول سەبەپتى ۇشاققا كەرى قايتۋعا تۋرا كەلگەن. بۇل تۋرالى قامشى اقپاراتتىق اگەنتتىگى ريا جاڭالىقتارىنا سىلتەمە جاساپ حابارلايدى.

بەلگىلى بولعان مالىمەتتەر بويىنشا ۇشاق اۋەگە كوتەرىلە سالىسىمەن نايزاعاي تۇسكەن. سول سەبەپتى ۇشاق اتاتۇرك اۋەجايىنا قايتۋعا شەشىم قابىلدادى. ال تبيليسيگە كەزەكتى رەيس بىرنەشە ساعاتتان كەيىن جونەلتىلدى.

«ۇشاقتىڭ اۋەگە كوتەرىلگەنىنە 15-20 مينۋتتاي بولدى. ارتىنشا بارلىق جولاۋشىلار جارىق ساۋلەنى كوردى. سول ساتتە ۇشاقتى نايزاعاي سوقتى. ۇشاقتى باسقارۋمەن قيىندىقتار تۋا باستاعان سوڭ، اۋەجيعا قايتۋعا شەشىم قابىلدادى» دەپ حابارلادى داۆيد لولادزە ەسىمدى جولاۋشى جۋرناليستەرگە.

تاعى ءبىر جولاۋشى كوتە ءماتيتاشۆيليدىڭ حابارلاۋى بويىنشا، كەلەڭسىز وقيعا سالدارىنان جاپا شەككەندەر جوق.

شولۋشى: ايگەرىم تاۋباي