"استانا ەكسپو-2017"ۇق" اق قوعاممەن بايلانىس دەپارتامەنتىنىڭ ديرەكتورى سەرگەي كۋيانوۆ دجەيمس پالمەردىڭ Foreign policy باسىلىمىنا شىققان ماقالاسىنا قاتىستى پىكىر ءبىلدىردى، - دەپ حابارلايدى Qamshy.kz

"ءبىز شىن مانىندە ونداي ءجۋرناليستىڭ بار ەكەنىن انىقتادىق. ول ۇلىبريتانيالىق بىرنەشە باسىلىمعا جازادى ەكەن: نەگىزىنەن ورتالىق ازيا جانە جۇڭگو جايلى. كورمەگە مۇنداي جۋرناليست تىركەلمەگەن. ءبىز قاۋىپسىزدىك دەپارتامەنتى ارقىلى ق ر اۋماعىنا مۇنداي ازامات مۇلدەم كەلمەگەنىن انىقتادىق"، - دەدى سەرگەي كۋيانوۆ. 

ول ماقالا اۆتورىنىڭ كورمەگە مۇلدەم اياق باسپاعانىنا سەنىمدى. 

"مەنىڭ ويىمشا، پالمەر مىرزا بىرەۋدىڭ اسەرى ارقىلى نەمەسە بىرەۋدىڭ ماتەريالى ارقىلى وسى ماقالانى جازعان. نەمەسە ونىڭ اتىمەن باسقا بىرەۋ جازعان. بۇل ءوزى تۇسىنىكسىز جاعداي، جۋرنال بارلىعىنا تانىمال، ول بۇركەنشىك اتپەن ماقالا جاريالايدى دەگەنگە سەنبەيمىن. سەبەبى بۇل ءىرى باسىلىمداردىڭ ابىرويىنا نۇقسان كەلتىرەدى"، - دەدى سەرگەي كۋيانوۆ. 

ونىڭ ايتۋىنشا، كەيبىر دەرەكتەر شىندىققا جاناسپايدى. 

"ماقالادا ايتىلعاننىڭ بارلىعى اسىرا ايتىلعان. قۇرىلىس باعاسىن ول 5 ميللياردقا سالىندى دەگەن، الايدا كەشەننىڭ قۇرىلىسىمەن بىرگە 1،3 ميلليارد دوللار جۇمسالدى"، - دەپ قورىتىندىلادى ول.