قىتايلار وڭتۇستىكتەگى كونە شاھارلار  تۋرالى دەرەكتى فيلم تۇسىرمەك. وسى ماقساتتا CCTV جۇڭگو مەملەكەتتىك مەدياحولدينگىنىڭ وكىلدەرى شىمكەنتكە ارنايى ات باسىن بۇردى. بۇل تۋرالى قامشى اقپاراتتىق اگەنتتىگى 24.kz-كە سىلتەمە جاساپ.

قوناقتار ۇلى جىبەك جولى بويىنداعى  شىعىس پەن باتىستى بايلانىستىرىپ تۇرعان ەسكى قالانىڭ ورنى ەرەكشە ەكەنىن اتاپ ءوتتى. ويتكەنى قىتايدىڭ سىرتقى ساۋدا-ساتتىعىنىڭ نەگىزگى دىڭگەگى وسى قالا بولعان. دەرەكتى فيلمدە قازاقستاننىڭ بۇگىنگى جەتىستىگى مەن كەلەشەگى تاريحى قاتار كورسەتىلەتىن بولادى. ءتۇسىرىلىم توبى حالىقارالىق ەكسپو-2017 كورمەسىن قىتايدىڭ ورتالىق تەلەارناسى ارقىلى كورسەتپەك. ۇلى دالا توسىندەگى ىقىلىم زامانداردان سىر شەرتەتىن تاريحى تامىرلاس ولكەلەر قازاقتىڭ ۇلتتىق سالت ءداستۇرى مەن قايتالانباس مادەنيەتى سونىڭ جالعاسى بولماق. 

دجوۋن حونگ، سستV پروديۋسەرى:  - ءبىز كوپتەن بەرى ۇلى جىبەك جولى بويىنداعى وڭتۇستىكتىڭ تاريحي ورىندارىن ارالاپ كورۋدى جوسپارلاپ جۇرگەن بولاتىنبىز. ەكسپو-نى پايدالانىپ وسى وڭىرگە ارنايى ات باسىن بۇردىق. شىنىندا دا كەرەمەت ەكەن. ەلگە بارعان سوڭ وسىندا كورگەن جانە تۇسىرگەن دۇنيەلەرىمىزدى جالپاق جۇرتپەن بولىسەتىن بولامىز. ءبىزدىڭ ەلدىڭ ساياحاتشىلارى قازاقستان مادەنيەتىمەن تەرەڭىرەك تانىساتىن بولادى.

شولۋشى: ايگەرىم تاۋباي