الماتىدا جوعالعان ستۋدەنت ءتىرى دەپ حابارلايدى قامشى اقپاراتتىق اگەنتتىگى . الماتى قالالىق ىشكى ىستەر دەپارتامەنتى وكىلدەرىنىڭ بەيرەسمي اقپاراتى بويىنشا ارمان نۇرجان ۇلى شىمكەنتتە ءجۇر. بۇل تۋرالى الماتى ارناسى حابارلادى.  ول قالاداعى بىرنەشە بەينە باقىلاۋعا ءتۇسىپ قالعان. تىپتەن سۋپەرماركەتتەن كيىم ساتىپ العانى دا جازىلىپ قالىپتى. ءبىراق ستۋدەنتتىڭ ءوزى تابىلعان جوق. ديپلوم قورعاۋعا ءبىر كۇن قالعاندا ءىس-تۇزسىز جوعالعان 22 جاستاعى جىگىتتى اناسى ءالى ىزدەپ ءجۇر. اناسىنىڭ ايتۋىنشا، ونىڭ قالتاسىندا قوماقتى قارجى مەن قىمبات تەلەفون بولعان. پوليسەيلەر، ايفون ارقىلى ارماننىڭ  وقۋ ورنىنا ەمەس، سايران اۆتوۆوكزالىنا بارعانىندا GPS ارقىلى انىقتاعان ەدى. گرانتتا وقىپ، ەمتيحاندارىن جاقسى باعاعا تاپسىرعان ستۋدەنتتى ىزدەۋگە  40-تان استام پوليسەي مەن ەرىكتىلەر جۇمىلدىرىلعان.

«كوڭىلىم تولمايدى بۇل اسا ۇزاققا سوزىلعانى. تەرگەۋگە سەنەم عوي، ءبىراق تەرگەۋ بۇداندا جىلدام بولسا. ولار وزدەرىنىڭ جۇمىستارىن جاساپ جاتىر. ءبىراق ول جۇمىستان ەش ناتيجە جوق.  مىنە سودان بەرى ەش ناتيجە جوق»،- دەدى ارماننىڭ اناسى، سالتانات ءابىلماجىنوۆا.

شولۋشى: ايگەرىم تاۋباي