ق ر اقپارات جانە كوممۋنيكاسيالار ءمينيسترى داۋرەن ابايەۆ مينيسترلىكتىڭ قىزمەتىنىڭ ناتيجەلەرى، ەلىمىزدە ىسكە اسىرىلعان رەفورمالار، الەۋمەتتىك-ەكونوميكالىق دامۋ، مينيسترلىكتىڭ ستراتەگيالىق جوسپارىنىڭ نەگىزگى كورسەتكىشتەرىنە قول جەتكىزىلۋ تۋرالى جانە مينيسترلىككە قاراستى سالالاردى دامىتۋدىڭ مىندەتتەرى بويىنشا ەسەپ بەردى. بۇل تۋرالى قامشى اقپاراتتىق اگەنتتىگى حابارلايدى.

مينيسترلىك وتاندىق ب ا ق  قۇرالدارىن، سونىڭ ىشىندە  مەملەكەتتىك تەلەارنالاردى جاڭعىرتۋ شارالارىن جۇزەگە اسىرىلىپ  جاتقانىن اتاپ ءوتتى. "بۇگىندە وتاندىق تەلەارنا كونتەنتى شەتەلدىك ستاندارتتارعا ساي دامىپ جاتىر"- دەپ اتاپ ءوتتى مينيستر.  

وتاندىق تەلەارنالاردان «حابار 24» ارناسى  ماڭىزدى اقپاراتتاردى  جەتكىزۋمەن اينالىساتىنىن جەتكىزدى. سونىمەن بىرگە، مينيستر  «قازاقستان»  ارناسىن دا ماڭىزدى اقپاراتتاردى تاراتاتىن تالداۋ فورماتىنداعى تەلەارنا دەپ اتادى.

«ناۋرىز ايىندا وتاندىق سەريالداردى  كورسەتەتىن   «ەلارنا»  جاڭا ارناسى ىسكە قوسىلدى. بۇگىنگى تاڭدا وتاندىق سەريالدارعا قىزىعۋشىلىق ارتۋدا»-دەيدى مينيستر د.ابايەۆ.

«HD فورماتىنداعى تەليەۆيزيانى دامىتۋ ماسەلەلەرى قاراستىرىلىپ جاتىر. شالعاي اۋداندارداعى  سيفرلىق تەليەۆيزيا ماسەلەلەرى قولعا الىنىپ جاتىر. بۇگىندە  رەسپۋبليكا ەلدى-مەكەندەرى 77%-عا  سيفرلىق تەليەۆيزيامەن قامتىلدى.  وتاندىق سپۋتنيكتىك تەليەۆيزيا باسىمدىق بەرىپ وتىر.  باسپا ءسوز سالاسىندا «ەگەمەن قازاقستان» مەن «كاز پراۆدا»  گازەتتەرىنىڭ فورماتى تۇرلەنىپ، تۇرلى-تۇسكە كوشىرىلدى»-دەپ اتاپ ءوتتى مينيستر ءوز ەسەبىندە.

« 2020 جىلعا دەيىن  ۇيالى بايلانىس پەن  ينتەرنەتكە قول جەتىمدىلىك ماسەلەلەرىن قولعا الۋ جۇزەگە اسىرىلۋدا.   1900 اۋىلدىق مەكەن جىلدامدىعى جوعارى ينتەرنەتپەن قامتاماسىز ەتىلەدى دەپ كۇتىلۋدە».

«ازاماتتارعا  ارنالعان ۇكىمەت  قىزمەتىنىڭ  قولجەتىمدىلىگى تۋرالى ماسەلەگە بايلانىستى، شالعاي اۋدانداردا  70 ءموبيلدى قىزمەت كازپوچتامەن بىرلەسكەن جوبالارىن ىسكە اسىرۋدا»-دەدى مينيستر.

داۋرەن ابايەۆ ءوز ەسەبىندە قازىرگى تاڭداعى باق-تاعى ۇلكەن پروبلەما -سەنساسيالىق جاڭالىقتاردىڭ پورتالدار مەن ەلەكتروندى رەسۋرستاردا كوپتەپ كورىنىس تابۋى ەكەندىگىن ايتتى. ەلەكتروندى ب ا ق ءوز رەيتينگىسىن جوعارى ۇستاۋ ءۇشىن قايعىلى جاعدايعا ۇشىراعان، زارداپ شەككەن، زورلىققا دۋشار بولعان ادامدار، بالالار تۋرالى جەكە اقپاراتتاردى جاريالايدى. وسى ورايدا ەشقانداي مورالدىك قۇندىلىقتار ۇمىتىلاتىنىن اتاپ ءوتتى.

سونىمەن بىرگە، قازىرگى ينتەرنەتتەگى اقپاراتتى سۇرىپتاۋ مەن ىرىكتەۋ ماسەلەلەرىن دە مينيستر ءوز سوزىندە ايتىپ كەتتى. بالالاردى بۇرىس جاڭالىقتاردان، پسيحولوگياسىنا اسەر ەتەتىن اقپاراتتاردان، زياندى سايتتار مەن رەسۋرستاردان قورعاۋ جۇزەگە اسىرىلۋى ءتيىس ەكەندىگىن جەتكىزدى.

قازاقستاننىڭ ءارتۇرلى وبلىستارىنداعى باسپا ءسوز وكىلدەرى تاراپىنان قويىلعان سۇراقتاردى د.ابايەۆ  مۇقيات تىڭداپ تولىق جاۋاپ بەردى. جۋرناليستەرگە باسپانا ماسەلەسىنىڭ بەرىلۋى تۋرالى سۇراققا بۇگىنگى تاڭدا جۋرناليستەردىڭ كوپشىلىگى جەكە مەنشىك ۇيىمداردا قىزمەت ەتەتىنىن، وسى ورايدا ولار وز-وزدەرىن قامتاماسىز ەتە الاتىنداي دارەجەدە ەكەندىگىن ايتتى. وسىعان قاراماستان باسپانا ماسەلەسى قاراستىرالاتىنىن جەتكىزدى.

مينيسترلىك تاراپىنان ب ا ق رەفورمالارىنا، ب ا ق تۋرالى زاڭعا وزگەرىستەر كەلەسى جىلدان باستاپ ەنگىزىلەتىنىن، وندا  جۋرناليستەرى قورعاۋ، ولاردىڭ قۇقىقتارى مەن  دەرەكتى الۋدىڭ جولدارى  قاراستىرىلىپ قامتاماسىز ەتىلەتىنىن مالىمدەدى. 

شولۋشى: نازەركە مۇسا