قازاقستان ەڭبەكاقىنىڭ ورتاشا مولشەرi بويىنشا تمد مەملەكەتتەرiنiڭ اراسىندا ەكiنشi ورىندا تۇر. بۇل تۋرالى ق ر ەڭبەك جانە حالىقتى الەۋمەتتiك قورعاۋ مينيسترi تامارا دۇيسەنوۆا حالىق الدىندا ەسەپ بەرۋ كەزدەسۋiندە ايتتى، دەپ حابارلايدى قامشى اقپاراتتىق اگەنتتىگى Baq.kz سايتىنا سىلتەمە جاساپ.
«بiز ازاماتتىق قىزمەتكەرلەرگە ەڭبەكاقى تولەۋدiڭ جاڭا مودەلiن ەنگiزدiك. ونىڭ نەگiزiندە ءدارiگەرلەردiڭ ەڭبەكاقىسى ورتاشا ەسەپپەن 18 پايىزعا، مۇعالiمدەردiڭ ەڭبەكاقىسى 29 پايىزعا، ال الەۋمەتتiك سالانىڭ باسقا قىزمەتكەرلەرiنiڭ ەڭبەكاقىسى 35 پايىزعا ارتتى. جالپى بiز ەڭبەكاقىنىڭ ورتاشا مولشەرi بويىنشا تمد مەملەكەتتەرiنiڭ اراسىندا ەكiنشi ورىندامىز. 124 ملرد تەڭگە ازاماتتاردى جۇمىسپەن قامتۋ باعدارلاماسىنا جۇمسالدى. ەگەر 2011 جىلى الەۋمەتتiك قامسىزداندىرۋ ءبولiمدەرiنە 59 مىڭ ادام ۇسىنىلىپ، تiركەلگەن بولسا، وتكەن 2016 جىلى جۇمىسپەن قامتۋ ورتالىقتارى ارقىلى 200 مىڭنان استام ازاماتقا مەملەكەتتiك قولداۋ كورسەتiلدi. بۇل رەسپۋبليكا بويىنشا جۇمىسقا ورنالاسقان ازاماتتاردىڭ 10 پايىزىن قامتيدى»، - دەدi دۇيسەنوۆا.
مينيستردiڭ ايتۋىنشا، ءوڭiرلەرگە از قامتىلعان ازاماتتارعا الەۋمەتتiك كومەك كورسەتۋ ءۇشiن رەسپۋبليكالىق بيۋدجەتتەن ترانسفەرت ءتۇرiندە قوسىمشا 7 ملرد استام قارجى ءبولiنiپ، جۇمسالدى. سونىمەن قاتار، 2016 جىلى مينيسترلiك قىزمەتكەرلەرi 4 ميلليونعا جۋىق قازاقستان ازاماتىنا مەملەكەتتiك قولداۋ كورسەتتi7
«بيىلعى جىلى الەۋمەتتiك سالانى تۇبەگەيلi وزگەرiستەر كۇتiپ تۇر. ماسەلەن، ەلدiڭ ەڭبەك نارىعى تولىعىمەن جاڭعىرتىلماق»، - دەپ ءتۇيiندەدi تامارا دۇيسەنوۆا.
