دايش جاۋىنگەرلەرى موسۋلداعى تاريحي ءان-نۋري مەشىتىن جارعان. بۇل تۋرالى يراك جاۋىنگەرلەرى حابارلادى، دەپ جازادى قامشى اقپاراتتىق اگەنتتىگى.
حابارلاماعا سايكەس، مەشىت مۇناراسىمەن قوسا جارىلعان.
ءۇش جىل بۇرىن ءدال وسى مەشىتتە دايش باسشىسى ءابۋ باكىر ءال-باعدادي «حاليفاتتى» جاريالاعان.
ءوp كەزەگىندە دايش وكىلدەرى اماك اقپاراتتىق اگەنتتىگى ارقىلى ءان-نۋري مەشىتىن اقش اۆياسياسى جاردى دەپ حابارلاعان.
يراكتىڭ پرەمەر-مينيسترى حايدەر ءال-ابادي مەشىتتىڭ جارىلۋىن دايش-تىڭ «جەڭىلگەندىگىنىڭ رەسمي مويىنداۋى» دەدى.
مەشىت XII عاسىردا سالىنعان، قۇرىلىسى 1172 جىلى باستالدى.
مەشىت كەشەنى تيگر جاعالاۋىنىڭ وڭتۇستىك بولىگىندە ورنالاسقان. ءان-نۋري – شىعىسقا بەتىن بۇراپ تۇرعان «بۇكىر» مۇناراسى بار موسۋلدىڭ باس مەشىتى.
شولۋشى: گۇلىم جاقان
