رەسەي مەن پورتۋگاليا اراسىنداعى كونفەدەراسيا كۋبوگى ماچى كەزىندە ستاديونعا كەلگەن جانكۇيەر قىزدىڭ ءبىرى كريشتيانۋ رونالدۋدان ءوزىن ايەلدىككە الۋىن سۇرادى. ول ءوزىنىڭ ۇسىنىسىن ۇلكەن قاعازعا جازىپ كەلىپتى.
بۇل تۋرالى قامشى اقپاراتتىق اگەنتتىگى Lenta.ru-عا سىلتەمە جاساپ حابارلايدى.
ال پلاكاتتا “رونالدۋ، ۇيلەنەيىكشى” دەپ جازىلعان.
ايتا كەتسەك، بۇل ماچتا رونالدۋدىڭ سوققان گولى پورتۋگاليالىقتارعا جەڭىس اكەلدى.
ەسكە سالايىق، 32 جاستاعى فۋتبولشىنىڭ سۋرروگات انادان تۋعان 6 جاستاعى ۇلى بار. قازىرگى كەزدە رونالدۋدىڭ ءوزى 22 جاستاعى يسپان مودەلى دجوردجينا رودريگەسپەن كەزدەسىپ ءجۇر.
شولۋشى: ايگەرىم تاۋباي
