سيريا ەلىندە الاپات سوعىستىڭ بەل ورتاسىندا جۇرگەن كوپتەگەن ازاماتتار ءار ەلدەن جينالعان. ولاردىڭ كوبىسى دايش قۇرامىنا ءوز ەرىكتەرىمەن قوسىلىپ، ءوز قالاۋلارىمەن سوعىسقا اتتانعاندار. الايدا كوبىسى بارعاننان سوڭ قايتارعا جول قالماعان كەزدە بارماقتارىن تىستەپ وكىنىپ جاتادى. سونداي ءبىر قىرعىز ازاماتى سوعىستىڭ بەل ورتاسىندا ءجۇرىپ اناسىنا ۆيدەو جولداعان. ءوز ىسىنە وكىنگەن قىرعىز ازاماتىنىڭ بۇل ىس-ارەكەتى بارشا جاستار قاۋىمىنا ساباق بولۋى ءتيىس.
«مەنىڭ ۋاقىتىم از، ءبىزدى قورشاۋعا الدى. بىزدەن ەكى كوشە تومەن جاقتا بارلىعى دا قيراتىلعان. مەن، بالكىم، ءتىرى قالمايتىن شىعارمىن. سول سەبەپتى دە اناشىم، سىزگە ايتقىم كەلەدى: كەشىرشى مەنى، وسىنداي قادامعا بارىپ، وسى جەرگە كەلگەنىم ءۇشىن كەشىرشى. ولار جازىقسىز ادامداردى، بالالاردى ءولتىرىپ، ايەلدەردى ايۋاندىقپەن زورلايدى. نە ءۇشىن، كىم ءۇشىن سوعىسىپ جاتقاندارى بەلگىسىز. بۇيرىقتى كىمنىڭ بەرىپ جاتقانىدىعىن دا بىلمەيمىز. بۇل ءبىزدىڭ سوعىس ەمەس، مەنىڭ سوعىسىم ەمەس، اناشىم... كەشىر مەنى...»، - دەيدى ءوزىنىڭ ۆيدەوجولداۋىندا.
