جىل سايىن پورتۋگاليادا  ورمان ءىشىنىڭ  ورتكە ورانۋى ادەتكە اينالعان.  الايدا وسى جىلى  الاپات   جالىننىڭ ادۋىنى مىقتى بولعان كورىنەدى. تابيعي اپاتتىڭ سالدارىنان 62 ادام قازا تاۋىپ، جۇزدەگەن ادام جەدەل جەردەم قىزمەتىنىڭ كومەگىنە  جۇگىنگەن. بۇل تۋرالى قامشى اقپاراتتىق  اگەنتتىگى سەگودنيا اقپاراتتىق سايتىنىڭ مالىمەتىنە سۇيەنە وتىرىپ حابارلايدى.

پورتۋگال مونيسيپاليتەتى پەدروگان-گراندي ليسسابوننىڭ سولتۇستىگىنە 200 شاقىرىم جەردەگى ورماننىڭ 95%-ى  ورتتە ورانعانىن، سونداي-اق  20 اۋىلدىڭ تۇرعىندارىن  ءقاۋىپسىز جەرگە ەۆاكۋاسيالاعاندىعىن مالىمدەدى. قازىرگى تاڭدا  كوز جۇمعاندار سانى 62 ادام.

قىزىل جالىننىڭ تارالۋ  كۇشتىلىگى سونشا اۆتوكولىكتىڭ جىلدامدىعىنا ىلەسىپ وتىرعان. سونىڭ سالدارىنان  بىر-بىرىمەن جارىسا قاشقان اۆتوكولىكتەرلىڭ قاقتىعىسى ورىن العان. ونىمەن قويماي  كۇشتى جەل تۇرىپ، ورمان ءىشىنىڭ ورتكە ورانۋىن كۇشەيتە تۇسكەن. تۇرعىن ۇيلەردىڭ شاتىرىنا  وت ءتيىپ، كوپتەگەن باسپانالار ورتكە ورانعان.

اۋىل تۇرعىندارى  جانىن ساقتاپ قالۋ ماقساتىندا ءتۇرلى ارەكەتتەرگە بارعان. اجال اۋزىنان قاشقان 12 ادام، ونىڭ ىشىندە 95 جاستاعى ايەل دە بار، قۇدىق ىشىنە جاسىرىنىپ امان قالعان. التى ساعاتتان ارتىق قۇدىق ىشىندە وتىرعان تۇرعىندار  ومىرلەرىنىڭ اماندىعىنا شۇكىرلىك ايتىستى. 

شولۋشى: اقەركە مارات قىزى